Pastillero Inteligente

SUPER RETO DIGICRAFT!

As nenas e nenos de 5º e 6º de Primaria quixeron participar no Super Reto Digicraft.

Nesta convocatoria, o reto proposto foi crear unha maqueta interactiva e sostible para axudar a aqueles colectivos propensos a ter un acceso desigual ás Tecnoloxías da Información e da Comunicación (TIC) a superar a fenda dixital.

A solución aportada consistiu nunha caixa para pastillas intelixente, a cal facilitaría tomar correctamente a medicación diaria a persoas maiores e/ou con algún tipo de discapacidade auditiva ou visual. Dito prototipo contribuiría tamén a acadar o ODS 10 da Axenda 2030: a redución das desigualdades.

Bo traballo, rapazada!

 

Proxecto Digicraft!

 Nesta actividade, o alumnado de 3º e 4º, usaron o detector de sons fortes para que Zowi actuase como un dado electrónico. Despois, xogamos a programalo para que chegase a un punto determinado.

SuperReto Digicraft

 Como anunciaramos, o alumnado de 3º e 4º, xunto a súa titora, a coordinadora do proxecto e o director do centro, acudiron  ao 

I Congreso da innovación educativa e dixital -Dixinova 2022-

Presentaron o seu proxecto ao xurado, compartiron obradoiros de robótica, programación e realidade aumentada, e asistiron a unha charla con David Aguilar @handsoloofficial. Escoitaron en primeira persoa, a súa historia de superación e como construíu a súa propia prótesis con pezas de Lego. Todo un exemplo!

Unha gran experiencia! 

Parabéns a todo o grupo polo seu traballo!

E mentres tanto...

 Digicraft Pescavirus!

Remataron o itinerario traballando a seguridade nos nosos dispositivos informáticos pescando virus. Parece doado pero tiveron que ter coidado de non pescar tamén as aplicacións!

Novidades no proxecto Digicraft!

 

O noso cole foi seleccionado para a fase final autonómica do SuperReto DigiCraft 21-22, co proxecto de robótica e programación "Zowi e a incubadora móbil", ideado polo alumnado de 3º e 4º de educación primaria, ao abeiro do programa "digicraft no cole".

A fase final, terá lugar o vindeiro mércores 11 de maio no Edificio Fontán da Cidade da Cultura en Santiago de Compostela, onde os nosos nenos e nenas presentarán o seu proxecto acompañados pola mestra coordinadora do programa, a súa titora e o director do centro. 

PARABÉNS!

Espazo Maker - Proxecto Digicraft -

 En 4º curso, iniciámonos na Robótica creando os nosos propios robots con materiais de refugallo e programándoos mediante tarxetas de movemento.

Espazo Maker

Proxecto Digicraft

Axudamos a Patatín a atopar as cores duns obxectos que un malvado mago agochou en palabras de varios idiomas.

Foi un verdadero reto empregar unha aplicación para traducir as palabras con realidade aumentada e averiguar a cor correcta de cada obxecto.