Despedimos este curso de película
O noso trasno Faiuco deixa por aquí algunha suxerencia para estos días de vacacións, pero a oferta de libros é moi ampla, decidide vós.
o máis importante é non esquecerse de buscar un ratiño para gozar da lectura.
BO VERÁN!!
Siiii, chegamos á fase final do noso PDI!!
Por suposto que tiñamos que pechar esta investigación dun xeito espectacular 😅
🙆Un festival de película
O último día de clase pasamos unha xornada de cine; con bailes, bandas sonoras de películas traballadas e coñecidas por todos e todas, risas, maquillaxe, vestimentas de gala....e por si iso non fora suficiente organizamos unha entrega de premios Óscars.
Houbo varios traballos nominados nestas categorías pero só un se fixo co premio.
👉 Mellor posta en escena
👉 Mellor investigación
👉 Ao traballo máis orixinal e creativo
👉 Os mellores caracterizados no Entroido
👉Mellor representación artística
Fixeron entraga dos premios o alumnado de 6º EI, con axuda dos presentadores do festival.
Pero se tedes dúbidas do ben que saíu todo, premede no video.
Logo, na Casiña de Faiuco esperaba unha exposición organizada en stands sobre o traballo no proxecto por cada grupo clase e nas aulas dos especialistas.
En cada expositor podíanse ver os traballos nominados nos premios Óscars, os recursos que se empregaron, os libros que foron traballados nas distintas aulas, a indumentaria empregada para as caracterizacións, o traballo do alumnado coa película " Mi vecino Totoro"...entre outras cousas.
Se vos fixades nas imaxes, hai un camiño de estrelas a modo de " Paseo da fama" como unha pequena homenaxe a todo o alumnado do centro pois fixeron un traballo espectacular. Cada estreliña personalizasa marca a pegada de cada neno ou nena neste proxecto.
Noraboa a todos e todas polo esforzo e motivación na investigación que fixemos na Casiña de Faiuco.
.jpeg)
.jpeg)
.jpeg)
.jpeg)
.jpeg)
Hoxe en día, son as bibliotecas as que incorporan as novas linguaxes en distintos soportes e formatos: a robótica, os medios audiovisuais, os videoxogos, xunto cos libros de papel, os libros dixitais, a radio, a música, o cine e o conxunto de artes plásticas e visuais.
As bibliotecas escolares, adáptanse aos novos usos sociais e crean espazos de encontros e de aprendizaxe compartido que configuran recunchos para a exploración, a investigación, a aprendizaxe experiencial, a invención e a expresión oral, escrita, plástica e audivisual.
a nosa biblioteca pretende ser unha "biblioteca activa e inclusiva" e unha ferramenta para melloarar a práctica educativa. Porén, necesitamos da vosa colaboración respondendo a unha pequena enquisa.
.jpg)
Moitas grazas!
Xunt@s é máis fácil!
Xa a piques de rematar co préstamo de libros da Casiña de Faiuco, algúns dos nenos e nenas de Infantil non queren perder a oportunidade de sentar de novo na Cadeira Vermella.
Bruno e Sabela contaron, na súa versión, os contos do "Monstruo Azul" e "Que bigotes me pasa?"
Prestade moita atención!!
Xenial Sabela!!
Fantástico Bruno!!
Unha sesión na biblio moi produtiva, entre contos e boa compañía.
Moitas grazas aos dous!!
Esta cadea cada vez crece máis!!
Faiuco está encantado coa participación que tivo a proposta e non é para menos, estivo moi ben.
Carla, de tres aniños, non quixo quedar atrás e esta é a súa proposta de lectura.
Imos escoitala
Fenomenal Carla!
nesta ocasión non houbo nominados, polo que é unha boa oportunidade para engancharse á cadea se vos apetece...xa queda menos para rematala.
Animádevos!!
No ano 2003, a Asemblea Xeral das Nacións Unidas, decidiu conmemorar este día co obxectivo de apoyar a diversidade, o diálogo, a inclusión e a cooperación entre as distintas culturas.
Na nosa escola, en relación ao noso PDI, celebramos este día coa proxección na Casiña de Faiuco, do documental cinematográfico "Camino a escola" do director fránces Pascal Plisson.
Si queredes ver a película clicade na imaxe e
para máis información, na seguinte enlace:
https://www.lavanguardia.com/vida/junior-report/20170907/431114159963/camino-a-la-escuela.html
Cales son os nosos obxectivos?
como nos organizamos?
o alumnado voluntario encargouse da organización, troco de entradas, de recibir ao resto de nenos e nenas, de moderar ou inicio da proxección, e do debate e reflexión final.
.jpg)
Moitas grazas a tod@s
os voluntarios da nosa biblioteca!
Coa vosa colaboración a "Casiña de Faiuco"
organízase moito mellor!
O día das nosas letras homenaxeamos a persoeiros que destacaron pola súa creación literaria e defensa da nosa lingua, o galego.
Este ano, Luísa Villalta incorpórase á lista de autores e autoras aos que dedicamos o día das letras, 17 de maio.
É a sexta muller en 61 edicións; unha figura intelectual, escritora, activista política, articulista, poeta, tradutora, profesora, filóloga e violinista.
Pero si queredes saber máis sobre a súa vida, traxectoria musical e obras publicadas tan só prestade atención ao traballo que realizaron os nosos nenos e nenas durante a pasada semana.
A literatura require estudo, traballo, dedicación, esixencia, e toda a súa obra dá testemuña da responsabilidade coa que constrúe todo o seu proxecto literario.
Velaquí a nosa proposta de traballo conxunto para dar a coñecer a esta escritora galega.
Luísa Villalta: "Escoito a voz que me silencia: comezo a expresar o necesario"
Se queredes afondar na súa obra visitade a Casiña de Faiuco.