O tempo pasa moi rápido e xa rematamos o primeiro trimestre deste curso😀
Faiuco non quere perder esta oportunidade para propoñervos libros, contos e diferentes xogos para estas vacacións de Nadal.
Sempre é un bo momento para ler ou xogar coa familia, gozar co tempo que pasamos xuntos e coleccionar bonitos recordos 💗
Velaquí as recomendacións de Faiuco
A Casiña de Faiuco está dentro do proxecto
"Bibliotecas Creativas"!! 👏
Tendo en conta a realidade actual, as alfabetizacións múltiples, as nosas bibliotecas escolares teñen que evolucionar cara espazos cooperativos que alberguen todo tipo de linguaxes e ofrezan ao alumnado oportunidades de aprendizaxe.
Unha biblioteca creativa é aquela que está dotada de espazos e recursos que permitan aos nenos e nenas experimentar, indagar, crear, construír, programar, deseñar... deixando atrás o concepto de biblioteca como lugar de lectura silenciosa, recollemento e un espazo de culto aos libros.
A nosa biblioteca camiña con paso forte para lograr ser un laboratorio de aprendizaxes, tanto cos recunchos e recursos cos que dispón como pola diversidade de actividades e obradoiros que se levan a cabo.
Este paso supón maior dotación e máis posibilidades, ideas e oportunidades de aprendizaxe.
.jpg)
.png)
Os nenas e nenas de EI narran as historias dos seus contos favoritos na Cadeira Vermella
Unha forma máis de fomentar o gusto pola lectura, escoita activa, expresión oral e potenciar a adquisicón do hábito lector.
O primeiro en presentarse voluntario foi Enzo, 5 anos, que levou para a súa casa o conto " Un día en la sabana" , co que coñecemos como era o día a día dalgúns animais africanos.
Escoitade con atención tódolos detalles que narra Enzo.
Subide o volume 🔈🔉🔊
"A ciencia é un xeito especial de coñecer o mundo que nos rodea"
Xuntamos a ciencia de fotografar e a ciencia que rodea á alimentación e sairon resultados exitosos 💥
Unha galería de fotos nas que o noso alumnado retratou alimentos en distintas versións, formas, tallados, representacións, posicións... 👀
Apostamos por este tipo de iniciativas na nosa biblioteca porque entendemos que é unha linguaxe máis que o alumnado debe manexar; unha linguaxe icónica 📷 que permite múltiples oportunidades de aprendizaxe para crear, deseñar, pensar, construír e aprender xuntos.
Un reto para crear inquedanzas e incertidumes e que os nenos e nenas, con axuda da familia, poidan solventar traballando con diferentes materiais, neste caso cos alimentos.
Este é o fabuloso resultado se mesturamos unha boa cantidade de creatividade, unha pizca de ilusión e un toque de traballo en equipo👭
Creatividade, fotografía e alimentos!!
.png)
A primeira sesión do club de lectura foi un éxito! 👏👏
Quen sabe cales son os ingredientes para a felicidade💕?
Pois, na despensa traballaron con máis de oitenta ingredientes. Cada un escolleu aqueles que eran máis compatibles para acadar a felicidade.
Isto, complicábase cando por grupos ou parellas se tiñan que poñer dacordo e quedarse cunha única receita. Nese instante, confortar as ideas de cadaquén de felicidade e escoller os " ingredientes" non foi doado. As ferramentas nese momento foron a argumentación, diálogo e negociación 👥
Na segunda parte da sesión botaron man de diferentes libros que definían a felicidade doutro xeito.
.jpeg)
👉O principiño, Antoine de Saint- Exupery.
👉Lección de pesca, Heinrich Böll.
👉7 Hombres con bombín, Álex Nogués.
👉De mayor quiero ser feliz, Anna Morato.
👉O lobo feliz, Miguel Guido.
Familias, alumnado e profesorado participaron no proceso de creación da receita da felicidade.
.jpeg)
.jpeg)
.jpeg)
.jpeg)
Moitas gracias por vir á despensa!
Día internacional para a eliminación da violencia contra a muller 💜
Durante esta semana nas distintas aulas traballamos sobre a importancia de eliminar a violencia, en concreto cara nenas, mozas e mulleres.
Xa que, a días de hoxe, temos que seguir propoñendo accións para denunciar as inxustizas que sofren centos de mulleres.
Queremos dicir ben alto " estamos fartas".😡
Ao fío disto, o alumnado de Educación Primaria participou no concurso de lemas para o 25N. Na exposición que se fixo ao carón das lecturas recomendadas, puidemos percibir a orixinalidade, rabia, boa intención, compromiso, reivindicación... das propostas.
Velaquí a mostra.
Ao mesmo tempo o alumnado de Educación Infantil traballaba nunha liña máis cercana a súa realidade, os xogos e xoguetes. Os estereotipos de xénero que fomentan roles que favorecen as desigualdades.
A través de catálogos de xoguetes, os nenos e nenas facían unha primeira clasificación que despois de falar, debatir, expoñer experiencias propias...chegaron a conclusión de que NON HAI XOGOS NIN XOGUETES PARA NENOS OU NENAS.
Recibimos a invitación de participar nun acto que organiza o concello para conmemorar a importancia de eliminar calquera tipo de violencia cara a muller.
Os nenos e nenas de 5º e 6º EP leron un pequeno manifesto e entre todos e todas elaboramos un lazo morado xigante colocando un tras outro os roliños de papel que fixéramos na escola.
Cada roliño leva escrita unha palabra en positivo para erradicar a violencia.
Co minuto de silencio na praza, arroupados por veciños, familias e persoal do concello finalizou o acto.
Se queredes ver en imaxes a semana dedicada ao 25 N, dádelle ao Play.
SE DOE NON É AMOR
(ROSA 4º EP)
.png)
.jpg)
.png)
Seguimos co concurso de Fotografía Gastronómica!!
Capturando pequenos momentos que se dan nas nosas cociñas: colocando a compra, elaborando receitas, facendo composicións artísticas con alimentos, momentos de cear ou almorzar, servindo...
Están chegando fotos moi chulas e orixinais.😀
Pero, por si algún de vós ten dúbidas ou non sabe por donde tirar....TRANQUILOS!!
Faiuco escolleu algunhas fotos que hai na rede para que vos sirvan de inspiración👀
Que vos parecen estas?
Seguimos traballando nos obradoiro de radio📻
O obxectivo é fomentar novas técnicas para poñer en práctica na radio da biblio.
Nesta ocasión visitou a Casiña de Faiuco, Charo Pita, contacontos, actriz e escritora galega.
Ao fío da temática que nos propón Bibliotecas Escolares; o teatro, Charo fixo dúas sesións co alumnado de 3º, 4º, 5º e 6º EP para levar a diversos contextos o teatro lido.
No noso caso, enfocado á radio.
Unhas sesións amenas coas que o alumnado puido achegarse ao teatro lido, un xénero literario que estamos a descubrir.
.jpeg)
Como boa contacontos fixo unha sesión co alumnado de infantil. Algo diferente, rítmico, interactivo, entretido...dándolle forza á oralidade.
" O que funciona na oralidade está nos matices que poidas darlle á voz e aos xestos" afirma Charo Pita.
.jpeg)
Moitas grazas Charo pola túa visita!!
"Contar non é aprender un texto de memoria, é facelo vivo"
Seguimos emitindo en Radio Corpiño, un ano máis estamos dentro do programa "Radio na Biblio" 👏
A Casiña de Faiuco busca dotar ao noso alumnado de diferentes técnicas e habilidades para favorecer a alfabetización múltiple, polo que Radio Corpiño proporciona diversas posibilidades para o desenvolvemento das competencias clave.
Tanto é así que o obradoiro que impartiu Sole Felloza na nosa biblioteca axudará ao alumnado a mellorar a narración oral, a súa oratoria.
Sole Felloza é actriz, contadora de historias, fotógrafa, escritora...o perfil ideal para axudar aos nenos e nenas a difundir e comunicar cada vez mellor.
Velaquí algunha foto das sesións que se fixeron este xoves na biblio.
.jpeg)
Moitas gracias Sole por compartir con nós estas sesións tan enriquecedoras.
Apostamos pola alfabetización mediática e informacional!
24 de outubro, día das Bibliotecas escolares: "Por un futuro sostible"
As bibliotecas escolares son unha ferramenta ao servizo da comunidade educativa para formar unha cidadanía crítica, activa e comprometida.
Buscamos que o noso alumnado teña unha idea da biblioteca como un espazo de coñecemento, de saber, de investigar, de crear, de compartir... por iso, neste día dedicado as nosas bibliotecas poñemos énfase na contribución que fan á sociedade.
Para celebralo que mellor que presentar o noso proxecto
Agora si!👏
Que ten por obxectivo contribuír a formar unha sociedade máis igualitaria, mellor informada, solidaria, xusta e preocupada polo desenvolvemento sostible da Axenda 2030.
Pero tamén, achegarnos ao símbolo de identidade que representa, a arte culinaria, a necesidade de buscar unha alimentación saudable, a coñecer técnicas de conservación de alimentos, a ler as etiquetas dos productos, clasificar alimentos,.. e unha morea de tarefas, retos, investigacións, saídas, exposicións... que quedan por diante.
Por onde comezamos? 😉polo principio, que sabe o noso alumnado do tema?🙈
Ademais, as mochilas viaxeiras comezaron a súa viaxe. Esperemos que gozedes moito con elas
Moi pronto, máis novidades!
"A periferia da periferia: mulleres que miraron ao mundo rural"
apoiámos as mulleres que miran pola cultura galega e o mundo rural.
Moi bo traballo!!
Benvid@s A casiña de Faiuco, un curso máis comezamos unha nova aventura.😀
Primeiro de nada, facer unha mención especial aos nenos e nenas de 3 anos e as súas familias aos que recibimos con moito agarimo na, xa vosa, biblioteca.
Faiuco está moi contento de vervos a todos e todas de novo polo cole e xa está tramando novos retos para o noso proxecto, pronto nos deixará caer algunhas pistas.
Estade atent@s! 😉
Logo dos recibimentos, toca anunciar a temática deste ano para as bibliotecas escolares; o Teatro.
Despedimos este curso de película
O noso trasno Faiuco deixa por aquí algunha suxerencia para estos días de vacacións, pero a oferta de libros é moi ampla, decidide vós.
o máis importante é non esquecerse de buscar un ratiño para gozar da lectura.
BO VERÁN!!
Siiii, chegamos á fase final do noso PDI!!
Por suposto que tiñamos que pechar esta investigación dun xeito espectacular 😅
🙆Un festival de película
O último día de clase pasamos unha xornada de cine; con bailes, bandas sonoras de películas traballadas e coñecidas por todos e todas, risas, maquillaxe, vestimentas de gala....e por si iso non fora suficiente organizamos unha entrega de premios Óscars.
Houbo varios traballos nominados nestas categorías pero só un se fixo co premio.
👉 Mellor posta en escena
👉 Mellor investigación
👉 Ao traballo máis orixinal e creativo
👉 Os mellores caracterizados no Entroido
👉Mellor representación artística
Fixeron entraga dos premios o alumnado de 6º EI, con axuda dos presentadores do festival.
Pero se tedes dúbidas do ben que saíu todo, premede no video.
Logo, na Casiña de Faiuco esperaba unha exposición organizada en stands sobre o traballo no proxecto por cada grupo clase e nas aulas dos especialistas.
En cada expositor podíanse ver os traballos nominados nos premios Óscars, os recursos que se empregaron, os libros que foron traballados nas distintas aulas, a indumentaria empregada para as caracterizacións, o traballo do alumnado coa película " Mi vecino Totoro"...entre outras cousas.
Se vos fixades nas imaxes, hai un camiño de estrelas a modo de " Paseo da fama" como unha pequena homenaxe a todo o alumnado do centro pois fixeron un traballo espectacular. Cada estreliña personalizasa marca a pegada de cada neno ou nena neste proxecto.
Noraboa a todos e todas polo esforzo e motivación na investigación que fixemos na Casiña de Faiuco.
.jpeg)
.jpeg)
.jpeg)
.jpeg)
.jpeg)