Tendal da Poesía

Por que un " Tendal de Poesía"?

A literatura de cordel é un xénero popular feito en verso e de orixe tanto escrita como oral.

Recibe tal nome porque se distribuía nos chamados " pregos de cordel", caderniños impresos sen encadernar e expostos para a súa venda en tendedeiros de cordas.

Tiveron a súa orixe na Península Ibérica, sendo exportados polos territorios de ultramar de España e Portugal, e de forma especial en Brasil.

​

Estes " pregos de papel" eran tamén chamados " as coplas dos cegos" estaban escritos en rimas e en moitas ocasións ilustrados con xilografías.

(Xilografía: Técnica de impresión con ferro na madeira)

Eran recitados ou cantados polos vendedores nas prazas das feiras, de vila en vila.

Acompañados en ocasións de instrumentos como a zanfona, o violín, a vihuela ou pequenos acordeóns, os seus representantes adoitaban ser esmoleiros invidentes.

Narraban temas populares, desde sucesos cotiáns a episodios históricos, lexendarios ou relixiosos.

E así de espectacular quedou o noso tendal!!

Unha actividade deseñada polo EDLG, en colaboración co equipo de Biblioteca, para conmemorar o día da Poesía. 

Un xénero literario que axuda ao noso alumnado a desenvolver habilidades lingüísticas, expresivas e creativas.

" La poesía, como toda expresión del alma, es liberación"

Jaime Bodet