11F

A ONU propuxo establecer o 11 de Febreiro como o Día Internacional da Nena e Muller na Ciencia para lograr o pleno acceso e equidade no ámbito científico e tecnolóxico das mulleres👩👧

Ademais é un dos obxectivos da Axenda 2030, a igualdade, sendo as bibliotecas escolares un magnífico  espazo para traballar nesta brecha de xénero.

Na nosa escola quixemos visibilizar o traballo das mulleres no ámbito da cociña relacionado coa Ciencia facendo un taller de conservación de alimentos 🔬

Para iso botamos man da familia de Sabela, 6º EP, que ten moita experiencia neste ámbito, rexentan un restaurante na nosa contorna.

Programamos tres talleres sinxelos para que todo o alumnado puidera coñecer un método de conservación dos alimentos. 

Os máis pequenos envasaron boliños preñados, empregando a máquina de envasar ao baleiro. Conservando o boliño durante máis tempo sen que se poña en mal estado.

Non sabemos canto dos nenos e nenas lograrían gardar o seu boliño...😂

Logo, a nai e a avoa de Sabela ensinaron aos nenos de 1º , 2º, 3º e 4º EP como envasar salsa de tomate caseira 🍅 ao baño María. Sen esquecer o etiquetado de cada tarro, pois é fundamentar anotar a data.

Por certo, a salsa estaba boísima 👌

Finalmente, os maiores do cole puxéronse mans á masa coa empanada!

Qu método empregarían para conservar un producto fresco e que non perda as súas propiedades❓

pois si, o envasado.

 Tendo moi en conta a data, alérxenos, o número de lote de cada alimento que empregamos, a temperatura a que debe estar.... unha morea de cousas!!

Unha xornada na quue demos un paso máis no noso proxecto " Oído Cociña!", valorando o traballo das cociñeiras e a súa relación coa Ciencia.

Se queredes ver fotiños dos talleres, dádelle ao 👉PLAY!

Moitas gracias a Rocío e Marina por compartir esta xornada con nós, foi un pracer tervos na Escola!

Visitas "científicas" para visibilizar o 11F

- Experimentos na escola -

O alumnado de Educación Infantil gozou de tres sesións moi amenas da man de familias que propuxeron experimentos moi chulos.

Tal como anunciáramos, o obxectivo de planificar estos obradoiros é que os máis pequenos relacionen a ciencia coa vida cotiá. Aproveitamos o Día Internacional da Muller e da Nena na Ciencia para, precisamente, achegar aos nenos e nenas a este ámbito da man das súas familias.

Fixéronse tres experimentos moi diversos dende fabricar pintura ata observar a eficacia do xabón, pasando polo magnetismo.

💨Creamos pintura caseira con ingredientes e obxectos da nosa vida cotiá: fariña, auga, colorante alimenticio e unha fonte de calor, neste caso un ornillo.

Con moita paciencia e seguindo os pasos logramos unha pasta cunha textura moi suave que deixaba que debuxásemos no papel.

💨Logo, xogamos con imáns e vimos que dependendo de como os coloquemos pode ser que se queiran moito ( acábanse xuntando) ou que se odien ( afástanse). Descubrimos deste xeito a forza que exercen os polos.

Ademais, se colocamos nun recipiente auga e colocamos o imán nunha base que flote e acougamos un anaco, este indica onde está o Norte.

💨Finalmente, quedounos moi claro que hai que lavar as mans con auga e xabón. Aínda que ás veces non somos capaces a velos, temos moitos xérmenes e precisamos do xabón para defendernos deles. 

Vímolo perfectamente ao deixar caer unhas cantas gotas de xabón nun prato que tiña pementa, a modo de bechos e bacterias, íanse todas a beiriña.

Experimento coa nai de Erea, de 4 anos, observando a reacción do Imán.

Sesión coa familia de Leire, de 5 anos, facendo pintura.

Proba da eficacia do xabón coa nai de Mía, 3 aniños.

      

11F Día Internacional da Muller e a Nena na Ciencia

 El 15 de decembro do 2015, a Asemblea Xeral das Nacións Unidas proclamou o 11 de febreiro "Día Internacional da Muller e a Nena na Ciencia", convidando a que se organizasen actividades de educación e sensibilización pública que axudasen a:

• Visibilizar o traballo das mulleres que se dedican ás áreas STEM (Science, Technology, engineering and Mathematics), creando así referentes femeninos para a infancia que poidan contribuír á elección destas áreas como carreiras profesionais.

Porén, dende a escola, convidamos á todas as familias a facer pequenos experimentos nas nosas aulas. actividades moi senxelas con obxectoes e materiais da vida cotiá. 

A nosa intención e xerar o gusto pola ciencia a través de situacións lúdicas que xeren aprendizaxes significativas.

Animádevos a vir e a compartir con nosos nenos e nenas!

             

#11F Día Internacional da Muller e a Nena na Ciencia - PDI "Faiuco e o coidado da hidrosfera"-

 

   O 1 de febreiro celébrase esta iniciativa cidadá para conmemorar o Día Internacional da Muller e a Nena na Ciencia a través de distintas actividades. O  fin é visibilizar o traballo das mulleres que se dedican ás áreas STEM (Science, Technology, Engineering and Mathematics), creando así, referentes femeninos que poidan contribuír á elección destas áreas como carreiras profesionais. 

   O alumnado do noso centro, investigou distintas científicas relacionadas co noso Proxecto Documental Integrado "Faiuco e o coidado da hidrosfera".

   Os nenos e nenas de EI, convertéronse en buzos e paleontólogos despois de estudar as dúas mulleres científicas: Sylvia Earle, activista en defensa dos océanos, e Mary Anning, paleontóloga.

   En 1º e 2º curso, investigaron a María Soledad Izquerdo López, bióloga española, doctora en ciencias pesqueras. 

   En 3º e 4º investigaron distintas científicas relacionadas co coidado da hidrosfera. e compartiron o seu traballo co resto do alumnado. 

   En 5º e 6º curso, andiveron a investigar "exploradoras mariñas" como Petra Deimer Schütte e Cindy Lee Van Dover.

   Todos os traballos quedan expostos no corredor da biblioteca para a exposición de fin de curso. 

Espazo Maker

O alumnado de 6º curso, dentro do proxecto Digicraf, investigaron sobre as mulleres científicas pioneiras.

As actividades no blog de Inglés!  

 https://englishbegonte.blogspot.com/2022/02/international-day-of-women-and-girls-in.html

11F Día Internacional da Muller e a Nena na Ciencia II

O 11 de febreiro celébrase o Día Internacional da Muller e a Nena na Ciencia, proclamado pola ONU no ano 2015.

O obxectivo principal deste día tan especial é lograr unha maior participación e inclusión das mulleres e as nenas no mundo da ciencia e a tecnoloxía e desta maneira romper coa brecha de xénero.

Actualmente, nalgúns países do mundo, existe unha loita de xéneros, onde aínda á muller négaselle a participación en disciplinas como a tecnoloxía, as ciencias ou as matemáticas, só por enumerar algunhas.

O alumnado da nosa escola, traballou esta conmemoración con distintas actividades.

Os nenos e nenas de 3 anos, escoitaron o conto de Dian Fossey, fixeron un mural coas súas mans e coas dos gorilas. Viron tamén, por primeira vez, un microscopio e fixeron algúns experimentos.

En 4 anos, investigaron e ilustraron a Gertrude Elión, unha farmacéutica que descubriu medicamentos para moitas enfermidades. Coñeceron a súa historia e fixeron un pequeno experimento con auga e bicarborato.

En 5 anos, tamén traballaron con Gertrude Elión! Ilustrárona e investigaron a súa vida. Escoitemos o resumo!

No grupo de 1º e 2º, investigaron a catro mulleres importantes relacionadas coa astronomía (Vera Rubin), as matemáticas (Maryam Mirzakhani) e a ciencia (Rosalind Franklin e Hipatia de Alejandría).

No grupo mixto de 3º e 4º, investigaron sobre científicas galegas: Isabel Zendal, Ángeles Alvariño e Antonia Ferrín.

No mesmo grupo, na área de Música, investigaron sobre Daphane Oram, enxeñeira de son, primeira DJ da historia!

En 5º curso, investigaron sobre mulleres científicas relacionadas co medio ambiente e a saúde (obxectivos da Axenda 2030), elas son: Isabel Morgan, Margarita Salas, Alice Catherine Evans, Florence Nightingale, Rachel Carson, Janaki Ammal, June Ameida e Gerty Cori. Elaboraron uns lapbooks con toda a información recollida e aprenderon a facer códigos QR.

Dende o grupo de 6º, contribuíron ao mural colaborativo cunha investigación sobre youtubers científicas. Tres mulleres con formación científica que encamiñaron a súa carreira á divulgación e que hoxe comparten o seu coñecemento desde a súa canle de Youtube: La Hiperactina, Deborahciencia e Antroporama.

Exposición das investigacións de Educación Primaria.

Parabéns polo voso traballo!

E lembremos as palabras da médica Rita Levi...

11F Día Internacional da Muller e a nena na Ciencia I

 Achégase a conmemoración do 11 F e  o alumnado de 5º curso prepara a exposición de libros sobre Mulleres das Ciencias!

O noso obxectivo e visibilizar o traballo das mulleres que se dedican ás áreas  STEM ( Science,  Technology,  Engineering  and  Mathematics), creando así referentes femininos para a infancia que poidan contribuír á elección destas áreas como carreiras profesionais nun futuro.