Actividade interxeracional

 Con motivo do día de Rosalía de Castro, 23 de febreiro, os nenos e nenas de 1º e 2º EP traballaron coa obra da autora.

Deste xeito, comprobamos dunha forma moi especial que non hai idade para compartir versos da autora máis emblemática do Rexurdimento💚

O noso alumnado visitou o centro de día de Begonte para compartir unha mañá entre versos, emocións e moito agarimo cos nosos maiores 👵👴

Para os usuarios sentirse rodeados da enerxía dos peques estimula a súa memoria e mellora a súa autoestima.

No caso dos nenos e nenas aprenden valores de respecto e empatía, conectando coas raíces e escoitando as voces da experiencia.

Velaquí podedes escoitar os poemas que recitaron nesta actividade.

Moitas gracias a tod@s os usuarios do centro e as persoas que fixeron posible esta actividade, sempre é un pracer participar en iniciativas que poñan en valor a lectura, recitado, poesía, tradición...ao carón dos nosos maiores.

23 F: Día de Rosalía de Castro

 LIBERA E LE!

23 de febreiro, aniversario do nacemento de Rosalía de Castro, unha das grandes escritoras e poetas do Rexurdimento Galego.

Celebramos este día liberando poemas de Rosalía de Castro, cada grupo traballou con distintos versos, vivindo de novo na voz dos nenos e nenas a súa obra.

Esta actividade, programada ao carón do Equipo de Dinamización da Lingua Galega, versa sobre a idea de que os nenos e nenas coñezan a obra da escritora a través de xogos ou pistas, sempre adaptado á idade do alumnado.

 Polo que, os máis pequenos, valéronse de relacionar os versos coas ilustracións dos libros empregados para a actividade.

Que foron os seguinte:

 

E quedou unha actividade así de bonita 💚

"Unha xigante que non precisa respiración asistida, nin prantos, nin ritos florais. Os pulmóns da súa obra aférranse ao futuro e ínflanse coa forza dun país que respira cultura por cada fenda".

(Ledicia Costas no seu manifesto no Día de Rosalía) 

23F #DíadeRosalíadeCastro

Na xornada de hoxe fixemos o visionado dunha curta con "tinte cómico" sobre Rosalía de Castro, co fin de  conmemorar a súa traxectoria como escritora e figura fundamental do rexurdimento galego.

Os nenos e nenas durante esta semana estiveron nas súas aulas preparándose para facer a curta da súa vida e obra. Un traballo feito e deseñado dende a mirada dos alumnos e das alumnas  de Begonte.

Velaquí o resultado.

Grazas ao traballo en equipo, ás ganas, á ilusión e á creatividade saen actividades tan boas coma esta.

Parabéns polo traballo!!

Aproveitando que estábamos todos e todas na Casiña de Faiuco, entregamos os agasallos aos gañadores e gañadoras da actividade que fixemos polo Día da Escritura a Man sobre relatos curtos, frases disparatadas e palabrerías.

Noraboa aos gañadores e gañadoras e moitas grazas ao noso alumnado por poñer tanta ilusión nas propostas, así dá gusto.

Rematamos cuns versos de Rosalía de Castro sobre o poder da palabra, esas que a ela na súa época lle axudaron a reflexionar, desfogar, creer, protestar, contar...

" A palabra é a arma máis poderosa, capaz de destruír ou construír"

23F #DíadeRosalía

 

Morea de actividades para conmemorar este día no noso cole!

Se clicades na imaxe, podedes escoitar o recitado de poemas!

Así de ben o fixeron!

Actividades do 23F

 

Co gallo do Día de Rosalía, na aula de sexto achegáronse á obra da nosa autora a través da "Negra Sombra" do seu libro Follas Novas (1880). Deixaron correr o maxín e o corazón para ver se un poema de hai case 150 anos tiña algo que lles dicir hoxe en día, e abofé que tiña!

https://sextobegonte.blogspot.com/2022/02/dia-de-rosalia.html

Na aula de 4 anos, coñeceron o soño de cando Rosalía era pequeñina coma eles: ser pirata! Convertéronse en nenos e nenas valentes e fortes como era ela. Ademais, coñeceron o poema "Adiós ríos, adiós fontes" e ilustraron aquelas cousas as que se refire nel. As cousas que Rosalía botará de menos cando teña que marchar de Galicia: ríos, árbores, a súa mamá...).

Os peques de 3 anos, ensaiaron moito a canción de Rosalía pequeñina!

Os nenas e nenos de 5º, como non podía ser menos, hoxe adicaron a súa hora de ler a Rosalía coa obra de Teresa Candal, "rosalía de Castro."

tamén levaron a cabo actividades tic, co gallo de aprender máis sobre a súa vida.

En 5 anos, celebraron o seu día recreando un museo no seu nome, onde recolleron a súa profesión, algúns aspectos da súa vida, as obras máis importantes, e para lembrar que foi unha escritora que defendeu e valorou moito a lingua galega, escribiron as súas palabras galegas favoritas.

Dende a clase de relixión tamén fixeron unha pequena homenaxe a Rosalía e para iso traballaron o poema "Parece unha Rosa" que serviu de introdución á Coresma empregando a cor característica deste o tempo litúrxico. 

Ademais, a comida de hoxe, no comedor do noso cole, estivo tamén adicada a Rosalía! Os nosos cociñeiros preparáronnos un suculento "caldo de gloria" e os nosos peques de infantil, repartiron uns manteis doados pola Fundación Rosalía de Castro, iniciativa inspirada no poema "Miña casiña, meu luar". 

Os nenos de 3º e 4º, traballaron dous poemas de Rosalía de Castro, "Como chove miudiño" e "alborada".

Na clase de 1º e 2º, falaron de quen era Rosalía e viron un vídeo onde puidemos coñecer un pouco máis a súa vida e obra. 

Tamén, volveron cantar a canción "Rosalía pequeñina" que lles encantou!

Vídeo 

A nosa propia versión!

"Yo, sin embargo, soy libre, libre como los pájaros, como las brisas; como los árabes en el desierto y el pirata en la mar..."

Lieders (1858)

23F Día de Rosalía de Castro

 

Neste día de conmemoración á memoria de Rosalía de Castro, poetisa e novelista galega considerada entre os grandes poetas da literatura española do século XIX, repasamos a súa obra.

Sabiades que ten estrela a 240 anos luz da súa Terra?

https://www.gciencia.com/mc2/rosalia-de-castro-estrela/

Uns dos seus poemas máis coñecidos é  "Adiós ríos, adiós fontes".

Neste vídeo podémolo escoitar e ver!

O alumnado de 6º curso, decorou a entrada da "Casiña de Faiuco" con escritos das obras de Rosalía.

E ao longo do día seguiremos lembrándoa!