DÍA MUNDIAL CONTRA O ACOSO ESCOLAR

O 2 de maio celébrase o Día Internacional contra o "Acoso Escolar" ou "Bullying", co obxectivo de concienciar sobre os riscos deste, así como de buscar os mecanismos para evitalo dado que se converteu nun terrible perigo para a poboación infantil e xuvenil.A data foi establecida por asociacións de  nais e pais e diversas organizacións non gobernamentais.       O "bullying" ou "acoso escolar" é a forma de comportarse con outra persoa, xa sexa de palabra ou fisicamente, causando un dano temporal ou permanente na vítima.A persoa acosada sofre ameazas, insultos, agresións físicas, etc. por parte dun ou máis individuos.      Segundo estudos realizados por UNICEF, unha alta porcentaxe de nenas e nenos en todo o mundo sofre de acoso escolar. https://www.bloghoptoys.es/10-consejos-contra-el-acoso-escolar/

DÍA DA TERRA.PLANTANDO NA HORTA.

O 22 de abril celébrase o Día Internacional da Terra.

As nenas e nenos de 1º, 2º e 3º escollemos este día para plantar leitugas e perexil.

E un tempo despois...

23 DE ABRIL.DÍA MUNDIAL DO LIBRO

      Miguel de Cervantes e William Shakespeare son dous xenios da literatura universal. 

     Cada 23 de abril temos unha lembranza especial para eles lendo, recitando ou representando as súas obras máis famosas.

      En canto o teñamos listo, subirémolo aquí.Tede paciencia!

     Como aperitivo, podedes botarlle un ollo a estes enlaces.   

https://www.educapeques.com/lectura-para-ninos/grandes-personajes-de-la-historia/grandes-personajes-de-la-historia-miguel-de-cervantes-saavedra.html

https://youtu.be/WGMKc_x1R-A

https://www.niusdiario.es/cultura/libros/dulcineia-chatbot-responde-telefono-movil-preguntas-mil-sobre-el-quijote_18_3126645265.html

https://www.mundoprimaria.com/literatura-para-ninos/ser-o-no-ser-shakespeare

https://www.guiainfantil.com/ocio/cuentos-infantiles/divertida-biografia-en-cuento-de-shakespeare-para-leer-con-los-ninos/

https://preparaninos.com/william-shakespeare/

CLUB DE LETRAS. A RESILIENCIA E A SUPERACIÓN.

 Seguimos con máis actividades do Club de Letras.

Nesta ocasión traballamos a competencia emocional.

A profe Andrea falounos da resiliencia e da superación coa colaboración dun invitado peculiar: Connor, un can abandoado e maltratado, que foi capaz de saír adiante grazas aos coidados de profesionais veterinarios, da Sociedade Protectora de Animais e Plantas de Lugo e de familias que o acolleron e o adoptaron dándolle a vida que se merece.

https://view.genial.ly/5fda6d5c37663f0d6c04eb00/presentation-historia-de-vida

https://www.facebook.com/ceipvirxedocorpinho/posts/450414809672715

FIN DA VIAXE POR GUATEMALA

                                 Que tal, rapazada? 

Eu estou de baixón porque xa rematei a miña ruta por Guatemala.

                      A ver, na faia vivo de marabilla, pero paseino tan ben aprendendo un feixe de cousas  e descubrindo lugares tan fermosos, que non me importaría seguir por acolá.

 Para que a despedida deste incrible país resultase menos dura, tivemos a sorte de probar un prato típico da súa variada gastronomía: o SHUCO. 

    Queredes saber máis sobre esta especialidade? Visitade este enlaces:

https://www.canva.com/design/DAEbfi2ajzY/JS-11ATxhsfxfkmiOpzliA/view?utm_content=DAEbfi2ajzY&utm_campaign=designshare&utm_medium=link&utm_source=sharebutto

https://aprende.guatemala.com/cultura-guatemalteca/cocina/receta-shucos-guatemaltecos/

Día Internacional do Pobo Xitano

    Hoxe celébrase o Día Internacional do Pobo Xitano.

    O pobo xitano, ou romaní, é orixinario da India.Estableceuse en case todo o mundo debido ao seu carácter fundamentalmente nómade, que aínda se rexe por leis propias e que se dedica como medio de vida á venda ambulante, á artesanía, a tratar con gando etc.

     A palabra "xitano" procede da denominación de “exipcios” que se daba aos primeiros xitanos chegados a España, porque dicían vir dunha rexión grega chamada Pequeno Exipto.

    Averigua máis cousas sobre esta comunidade clicando nos enlaces.

 https://www.gitanos.org/la_comunidad_gitana/index.php

     

 https://www.lacrisisdelahistoria.com/cultura-e-historia-del-pueblo-gitano/

https://www.diainternacionalde.com/ficha/dia-internacional-pueblo-gitano

DÍA INTERNACIONAL DO LIBRO INFANTIL E XUVENIL.

     O Día Internacional do Libro Infantil e Xuvenil  foi establecido polo Consello Internacional da Mocidade (IBBY) dende 1967 para inspirar o amor pola lectura e chamar a atención sobre os libros para a infancia e a xuventude.

 Escolleuse o 2 de abril, por coincidir co aniversario do poeta e escritor danés Hans Christian Andersen, autor de famosos contos coñecidos en todo o mundo e traducidos a máis de 80 idiomas. 

     Cada ano, unha Sección Nacional diferente é a patrocinadora internacional do día. En 2021 é a sección de Estados Unidos (USBBY), e a escritora elixida é Margarita Engle, autora cubano-americana.

   

 O lema elixido foi «A música das  palabras» con ilustración de Roger Mello, nacido en Brasília e gañador, entre outros, do Premio Andersen en 2014.                                                                                                       

    

    

 Este é un día moi importante xa que a lectura promove a imaxinación e a empatía, abre novos horizontes, axuda a pensar e a mellorar o vocabulario.

 Para celebrar este día tan especial podedes visitar unha biblioteca, organizar unha sesión de lectura en familia, recitar poesía, etc.

     Nestes enlaces atoparedes moitas novidades:

https://www.20minutos.es/noticia/4641492/0/diez-recomendaciones-dia-internacional-del-libro-infantil-y-juvenil/

https://www.hola.com/ninos/galeria/20210331186909/libros-infantiles-juveniles-novedades-2021-swng/1/

https://wmagazin.com/relatos/los-mejores-libros-infantiles-y-juveniles-para-el-lector-romantico-realista-intelectual-y-estetico/#para-el-lector-est%c3%a9tico