Tecendo os fíos da vida e obra de Begoña Caamaño

Con motivo da celebración das Letras Galegas, na casiña de Faiuco fixemos un traballo arredor da figura de Begoña Caamaño, unha muller que nos deixou entrever unha forma distinta de ver a literatura, a historia e os mitos clásicos.

Fomos descubrindo os fíos que forman a traxectoria vital e literaria de Begoña: o xornalismo, o compromiso coa nosa lingua, a defensa das mulleres como protagonistas das historias e a súa capacidade para revisistar os mitos clásicos.

A través das súas obras achegámonos a personaxes míticos como Penélope, Circe, Europa ou Aracne. Personaxes feministas que durante séculos foron contadas dende a mirada doutro, pero que Begoña coa súa escrita lles devolveu voz e protagonismo.

É por iso que nós tamén quixemos crear un personaxe mitolóxico dende a figura de Begoña, pero dándolle rasgos físicos de partes de animais que a súa vez lle atribuían un poder para mostrar a súa rebeldía, denuncia e compromiso.

Este luns, quixemos reunirnos na biblioteca para converter todos estes fíos en lecturas, resultados de investigacións, relatos de mitos clásicos e reflexións para celebrar a nosa lingua e a nosa cultura, sendo autoras como Begoña parte dela.

Se pinchades no vídeo📹 poderedes ver como transcurriu a celebración, tendo como referencia o libro de Eva Mejuto "Os fíos de Begoña Caamaño"

Pero si queredes escoitar os mitos clásicos dos que estamos a falar o alumnado de 3º e 4º gravaron un podcast recitando algúns deles.

Velaquí o enlace👇

Recitado de mitos clásicos

Sendo cada historia un fío máis no gran tecido da memoria.

Ler a Begoña é tamén aprender a cuestionar os relatos herdados e a tecer novas historias desde Galicia e en galego💜

Letras Galegas

  Axúdame, compañeira,

axúdame, camarada, 

axúdame, compañeira

a facer a foliada.

Este 17 de Maio, celebramos o Día das Letras Galegas para facer unha homenaxe moi especial a nosa poesía tradicional oral.

Aínda que se poñen os nomes de algunhas mulleres: Alfonsina e Rosa Casás Rama, Eva Castiñeira Santos, Manuela Lema, Teresa García Prieto e Prudencia e Asunción Garrido Ameixenda, integrantes das Pandereteiras de Mens, poderíamos poñer moitos outros nomes das tantas que hai espalladas por Galicia.

A intención da Real Academia Galega é recoñecer o valor das mulleres na preservación da transmisión da nosa cultura. Valorando así o ritmo das cantigas, a sororidade, a retranca galega, os instrumentos de acompañamento, a poesía oral... 

Na escola estivemos facendo un traballo de recopilación de cantigas da nosa contorna que expuxemos nun Tendal da Poesía. Unha exposición que mostra a expresión cultural que nos caracteriza.

Velaquí o enlace á publicación👇

Tendal da Poesía

Ademais, aproveitando os carteis de mostra "Cantareiras: poesía popular oral" que recibimos no colexio, realizamos pequenas tarefas que fomos expoñendo no noso mural.

Infantil A, fixo unha foliada na aula, achegándose aos instrumentos tradicionais e aos seus sons. 

Infantil C, colocou cantigas en pandeiretas. Recollendo así a poesía tradicional oral da contorna.

O alumnado do 1º ciclo traballou coas tarefas propostas nos carteis da mostra- exposición.

Recuperando letras que faltaban dalgunhas cantigas, realizando laberintos ou caricaturas para coñecer as nosas pandereteiras, decorando panderetas ao gusto dos nenos e nenas, achegáronse polo miúdo ás partes dalgún instrumento, recoñeceron estilos musicais como a xota, muiñeira ou valse, localización das provincias galegas, recoñecer árbores xenealóxicas... entre outas moitas.

Os escolares de 3º e 4º EP fixeron un cartel para anunciar a romería dos Milagros de Saavedra, para animar a xente a vir e participar nas actividades.

 

 

E por último, os alumnos e alumnas do terceiro ciclo EP traballaron na banda deseñada coa figura das pandereteiras.

E o venres, para rematar a semana, reunímonos na Casiña de Faiuco para gozar da música tradicional galega da man de cantigas, da nosa recopilación, pero tamén de instrumentos como a zanfona, pandeireta, pandeiro ou cunchas. 

Aínda que, hai obxectos que as nosas mulleres tocaban sen ser propiamente instrumentos: tapas de potas, rascando unha botella, cunha lata de pimentón... calquera cousa era válida para facer unha foliada.

E xa para rematar o acto, o mestre Álvaro, fixo unha pequena actuación que nos permitiu gozar de cántigos e sons propios da nosa cultura.

Picade no vídeo para escoitar as nosas cantigas 😊

Moitas gracias Álvaro, aprendemos un montón!!

Salvagardemos o legado poético!!

EDLG

Letras Galegas 2016

Durante a semana pasada levamos a cabo numerosas actividades no centro para conmemorar a celebración do Día das Letras Galegas, adicado neste ano 2016 ao gran escritor da Terra Chá, Manuel María.

Visitamos a Casa-Museo de Manuel María!

Como ben sabedes, o Día das Letras Galegas deste ano adicouse a un gran escritor, Manuel María, nado nun concello que temos moi cerquiña do cole, en Outeiro de Rei. Antes de culminar a celebración do Día das Letras galegas 2016 no cole, todos os nenos e nenas do Virxe do Corpiño tivemos a gran sorte de visitar a súa casa-museo, a coñecida Casa de Hortas.