Recibimos a visita dun astrónomo!

O pasado día 2 tivemos a honra de recibir na nosa biblioteca a visita de Pedro Pablo Campo, astrónomo e investigador do Observatorio Astronómico Ramón María Aller de Santiago de Compostela.

Debuxando o Sistema Solar!

Os nenos e nenas de terceiro curso de Primaria fan unha nova aportanción ao proxecto Faiuco é Astronauta. Mudáronse ao polideportivo do colexio na clase de Ciencias Sociais para amosarnos unha divertida maneira de aprender os planetas do Sistema Solar e a órbita que segue cada un.

A Biblioteca do cole xa é un fermoso planetario!

Despois de varios meses de duro traballo, conseguímolo! Completamos outra das misións que nos encargou Faiuco dende o espazo: a transformación da biblioteca do noso cole nun auténtico planetario.

Investigamos o Sistema Solar!

Fai un tempo chegounos unha carta de Faiuco. Nela propúxonos a misión de investigar por cursos algúns dos elementos máis importantes do noso sistema solar, como os planetas, o Sol, a Lúa... ademais de organizar unha exposición para compartir a información con todos os compañeiros e compañeiras do cole. Así que puxémonos mans á obra. Dito e feito!

Aprendemos polígonos a través das constelacións!

Que mellor forma de coñecer os polígonos na clase de matemáticas que facelo a través das formas das estrelas no universo! Así pensaron os alumnos de 3º e 4º de Primaria, decididos a aprender matemáticas dun xeito diferente e aportando outro pequeno grao de area ao proxecto documental integrado que estamos a levar a cabo dende a biblioteca escolar: "Faiuco é astronauta".

"Os Planetas" de Gustav Holst (Flipped Classroom)

Dende a materia de Música tamén  se fan achegas ao proxecto documental integrado que estamos a levar a cabo no cole: "Faiuco é astronauta". Así, os nenos e nenas de 5º e 6º curso de Educación Primaria traballaron unha das obras máis coñecidas do compositor británico Gustav Holst: "The Planets", e fixérono a través dunha pedagoxía moi innovadora, a coñecida como Flipped Classroom.

Portadas espaciais!

Os nenos e nenas de Educación Infantil elaboraron un libro cunha recompilación dos traballos realizados ao longo do primeiro trimestre. Á hora de elaborar as súas portadas quixeron contribuir ao Proxecto Documental Integrado deste ano: Faiuco é astronauta.

Construimos a nave espacial de Faiuco!

Seguimos enriquecendo o noso Proxecto Documental Integrado "Faiuco é astronauta" con novas investigacións. Os nenos e nenas de terceiro e cuarto curso de Primaria levamos a cabo a construcción dunha réplica autopropulsada da nave que está a empregar Faiuco na súa viaxe polo espazo.

Letras Galegas 2016

Durante a semana pasada levamos a cabo numerosas actividades no centro para conmemorar a celebración do Día das Letras Galegas, adicado neste ano 2016 ao gran escritor da Terra Chá, Manuel María.

Experimentando coas órbitas!

Seguimos traballando no noso Proxecto Documental Integrado: Faiuco é Astronauta. Esta vez, dende a área de Ciencias Sociais fixemos un interesante experimento.

Comezamos a transformación da bilioteca!

A biblioteca é o centro de operacións do noso Proxecto Documental Integrado deste ano, chamado "Faiuco é Astronauta".