Dentro do noso proxecto, Oído cociña! coñecemos o proceso de elaboración de moitos alimentos e incluso traballamos arreo para conseguir na Hortiña de Faiuco ricas verduras.
Por iso, formar parte do proceso de elaboración do queixo axudounos a:
📌 Achegarnos á ciencia, é un proceso químico.
📌Vivenciar unha nova experiencia sensorial.
📌Reforzar conceptos como os alimentos derivados do leite ou recoñecer a importancia dos lácteos na nosa dieta.
📌 Elaborar unha receita, paso a paso.
📌Coñecer un novo ingrediente, o callo.
Velaquí as fotos do obradoiro.
Graciñas Maria, nai de Martiño e Sabela, por vir compartir con nós esta xornada!!
Xa a piques de poñer o punto e final a este curso, toca facer a exposición do traballo realizado dentro da Microrrede de Bibliotecas Escolares da Terra chá.
"Afianzando a nosa identidade" en prol de conservar a nosa riqueza cultural, en concreto a toponímia.
Unha recopilación de mostras para valorar o noso patrimonio, a propia identidade de cada lugar, a historia á que vai vencellada, a persoeiros... que co paso do tempo tende a perderse pola falta de conservación dos costumes tradicionais.
Estes pequenos proxectos xunto con grandes iniciativas como Galicia encantada, Galicia nomeada ou persoas a título persoal que recollen tradicións, nomes de lugares, oficios, lendas, referencias mitolóxicas... axudan a preservar a nosa cultura.
Se é do voso interese, a exposición está aberta a toda a comunidade educativa.
Convidámosvos a visitala👇
A nosa aportación estivo baseada nos roteiros fotográficos 📷que fixemos polo noso Concello, mostrando as esculturas como " Anacos do Belén". Ademais de facer unha recopilación das lendas que rodean un dos lugares máis misteriosos da nosa contorna, o Pozo do Ollo.
Quixemos facer unha exposición do que nos rodea a través da mirada dos nosos nenos e nenas, co caderno de campo, coa axuda de fotografías, réplicas das esculturas, planos sinxelos, herbarios..
Nas seguintes fotos podedes observar algúns dos traballos dos 14 centros que participamos.
Dende aquí, parabéns a todos os grupos de traballo polos resultados obtidos👏👏👏
Seguiremos co noso legado, afianzando a nosa identidade!!
Cando se inicia un traballo ou investigación sempre aparecen sorpresas, retos, dificultades, atrancos... que en tódolos casos supoñen un aprendizaxe máis.
E isto foi o que nos pasou a nós. Si!! apareceu unha sorpresa no medio da investigación sobre as esculturas de madeira que temos no noso Concello.
Coñecemos a César Lorenzana👏, o escultor que tallou cada peza.
Unha bonita sorpresa que nos brinda novas posibilidades na liña de traballo trazada.
César Lorenzana foi o escargado de tallar as 19 esculturas que expanden " O Belén de Begonte" polas distintas parroquias. Cada escultura ten unha relación directa co nacemento pero tamén coas tradicións do rural galego.
Convidámolo a nosa escola e apareceu unha nova sorpresa 😮, propúxonos facer un taller co barro extraído da Canteira de Begonte.
Conseguimos ter no obradoiro o barro e os nenos e nenas iniciáronse na escultura con axuda deste material natural.
Divertímonos moito modelando barro!!
Finalmente, representantes dos grupos de 1º a 4º EP puideron entrevistar ao artista na Radio Corpiño📻
Dende o curso pasado, en colaboración co EDLG, estamos a traballar na toponímia de Begonte.
A idea está vencellada coa nosa participación na exposición que organiza a Microrrede da Terra Chá para participar na conservación da toponímia galega.
O noso alumnado está a investigar sobre as 19 esculturas que hai espalladas polas distintas parroquias do Concello, coa idea de dar a coñecer a súa historia.
Polo que, planificar un roteiro fotográfico vai como anel ao dedo😃
Estamos relativamente preto das esculturas, contamos cos dispositivos necesarios📷, hai ilusión por camiñar e coñecer cada recuncho da nosa contorna, estamos motivados coa exposición final e aínda por riba imos visibilizar o noso patrimonio cultural.
Tendo cada quen claras as tarefas que deben realizar durante o roteiro, poñémonos en marcha.
Este 17 de Maio, celebramos o Día das Letras Galegas para facer unha homenaxe moi especial a nosa poesía tradicional oral.
Aínda que se poñen os nomes de algunhas mulleres: Alfonsina e Rosa Casás Rama, Eva Castiñeira Santos, Manuela Lema, Teresa García Prieto e Prudencia e Asunción Garrido Ameixenda, integrantes das Pandereteiras de Mens, poderíamos poñer moitos outros nomes das tantas que hai espalladas por Galicia.
A intención da Real Academia Galega é recoñecer o valor das mulleres na preservación da transmisión da nosa cultura. Valorando así o ritmo das cantigas, a sororidade, a retranca galega, os instrumentos de acompañamento, a poesía oral...
Na escola estivemos facendo un traballo de recopilación de cantigas da nosa contorna que expuxemos nun Tendal da Poesía. Unha exposición que mostra a expresión cultural que nos caracteriza.
Ademais, aproveitando os carteis de mostra "Cantareiras: poesía popular oral" que recibimos no colexio, realizamos pequenas tarefas que fomos expoñendo no noso mural.
Infantil A, fixo unha foliada na aula, achegándose aos instrumentos tradicionais e aos seus sons.
Infantil C, colocou cantigas en pandeiretas. Recollendo así a poesía tradicional oral da contorna.
O alumnado do 1º ciclo traballou coas tarefas propostas nos carteis da mostra- exposición.
Recuperando letras que faltaban dalgunhas cantigas, realizando laberintos ou caricaturas para coñecer as nosas pandereteiras, decorando panderetas ao gusto dos nenos e nenas, achegáronse polo miúdo ás partes dalgún instrumento, recoñeceron estilos musicais como a xota, muiñeira ou valse, localización das provincias galegas, recoñecer árbores xenealóxicas... entre outas moitas.
Os escolares de 3º e 4º EP fixeron un cartel para anunciar a romería dos Milagros de Saavedra, para animar a xente a vir e participar nas actividades.
E por último, os alumnos e alumnas do terceiro ciclo EP traballaron na banda deseñada coa figura das pandereteiras.
E o venres, para rematar a semana, reunímonos na Casiña de Faiuco para gozar da música tradicional galega da man de cantigas, da nosa recopilación, pero tamén de instrumentos como a zanfona, pandeireta, pandeiro ou cunchas.
Aínda que, hai obxectos que as nosas mulleres tocaban sen ser propiamente instrumentos: tapas de potas, rascando unha botella, cunha lata de pimentón... calquera cousa era válida para facer unha foliada.
E xa para rematar o acto, o mestre Álvaro, fixo unha pequena actuación que nos permitiu gozar de cántigos e sons propios da nosa cultura.
A biblioteca escolar é tamén un espazo para sensibilizar e concenciar ao noso alumnado sobre actitues, formas, palabras, feitos...que atentan contra a integridade dunha persoa.
O principal obxectivo da Axenda 2030 é lograr un futuro mellor para todas as persoas, o que conleva erradicar a violencia en todas as súas formas.
É por elo que, nesta ocasión a sesión de "Cine na Biblio" vai dedicada a visionar películas e curtas, adaptadas á idade de cada grupo, para poder reflexionar nas aulas sobre esta temática que por desgraza está moi presente na sociedade actual😡
Para os máis pequenos e pequenas do cole pensamos na curta " ¿Y qué?"
Unha curta sobre o respecto, cambios de actitude, comunicación e a importancia de disculpase.
Os nenos e nenas do 1º ciclo de Educación Primaria terán que facer unha reflexión común sobre a película "Ant bully, bienvenido al hormiguero"
Que relación ten Lucas coas formigas? Existe unha poción para solucionar problemas? Que papel xogan as avispas nesta peli?
E xa para rematar, os maiores terán a súa sesión de cine coa película " Wonder"
Wonder ten un aspecto distinto e intenta ser un máis pero, parece que vai ser unha misión difícil.
O alumnado de Educación Infantil para participar na actividade sobre toponimia fixo o seu roteiro.
A través dunha carta de Faiuco, que lles propuxo un reto, comezamos a indagar sobre a escultura escondida.
Faiuco deixoulles na porta das aulas un pequeno plano, da contorna da escola. Nel estaban marcados lugares coñecidos polos nenos e nenas, tales como a igrexa, o parque, a escola infantil...que lles axudaban a situarse.
Pero non só o vimos no mapa, saímos ao exterior.
A escultura do camiñante de botas está ao carón do famoso " Belén de Begonte " e forma parte das 19 esculturas que están espalladas polas parroquias do noso concello.
E con moito éxito chegamos ao noso obxectivo!!
E así, cos primeiros pasos, comezan as actividades sobre o plano da nosa contorna,
Durante a semana do libro fixemos varias actividades enfocadas á lectura e ao formato do libro 📚
Unha delas foi o obradoiro de croché coa intención de crear bonecos a modo de personaxes de contos.
Pero, a que se debe o croché?
✔ Estimula a creatividade
✔ Desenvolve a paciencia e conexión consigo mesmo.
✔Fortalece a motricidade fina.
✔ Potencia a concentración e atención.
✔ Mellora a capacidade de ler e interpretar patróns.
✔Reduce o estrés
✔ Valorar o esforzo propio e a consecución de metas.
Unha actividade para o noso proxecto de Biblioteca creativa que ten por obxectivo ofrecer novos espazos e realidades ao alumnado.
Neste caso, os nenos e nenas de Infantil e 1º ciclo de Primaria comezaron por coser unhas plantillas ( feitas na cortadora láser) e crear con total liberdade o seu propio monicreque. En cambio o alumnado de 5º e 6º EP iniciáronse no Amigurumi.
Amigurumi, boneco tecido, é unha moda xaponesa que consiste en tecer bonecos coa técnica do croché ou ganchillo.
Unha experiencia máis que deixa no noso alumnado a inquedanza de seguir aprendendo sobre novas formas de tecer.
Velaquí algunhas fotos do obradoiro
Moitas gracias á familia de Irati, Eva e Araceli, por vir á Casiña de Faiuco facer o obradoiro.
Xa temos listos os nosos bancais para continuar coas labores na Hortiña de Faiuco 🙉
O noso proxecto " Oído Cociña!" require dun traballo menucioso na horta pois, os alimentos na cociña teñen que ser da mellor calidade posible👌
Os nenos e nenas neste proxecto transversal da horta adquiren valores de responsabilidade, conciencia ecolóxica, traballo en equipo, desenvolvemento de múltilples habilidades...non só é plantar verduras ou froitas senón conectar ao alumnado cos procesos naturais, respectar os tempos da terra e valorar a nosa contorna.
Neste espazo de encontro o noso alumnado fixo diversas plantacións: fresas, chícharos, leitugas e xudías.
Celebramos a semana do libro con moita creatividade e un sabor internacional 😆
Cada grupo ou clase fixo un taller moi especial que combinou creatividade, conciencia ecolóxica e unha deliciosa volta ao mundo a través dos alimentos.
Puidemos coñecer o proceso de reciclado de papel cunha receita moi sinxela:
📃Triturar papel de desfeito, deixar repousar, batir ata obter unha pasta, empregar os cadros de reixas para dar forma a cada folla do libro e por último deixar secar enriba dun pano.
Así de sinxelo! 👌
Logo de ter nas nosas mans as follas de papel reciclado cada grupo de nenos e nenas fixo un traballo de investigación sobre un alimento doutro país e foi enchendo as páxinas do seu libro con receitas, beneficios, curiosidades, propiedades...
Botade un ollo ao proceso!
Libros artesanais para derpertar a curiosidade, creatividade, potenciar a competencia lingüística, traballar en equipo, reforzar a autoestima ao lograr o obxectivo, estimular o pensamento crítico á hora de organizar as ideas, achegarse á importancia da edición e maquetación....
Unha forma diverida e ecolóxica de viaxar cos libros e coidar da nosa contorna!
Coñecida por ser escritora de literatura infantil e xuvenil entre outras cousas; guionista, articulista, colaboradora de programas radiofónicos... 😀
É a autora de libros como: Faíscas, Leo era un león, Escola de bruxas, Acuario, O papaventos de Laura, Unha fábrica de bicos, Teño un volcán dentro, Candorcas e unicornios, O lobo Ramón... e outros moitos títulos.
O alumnado do 1º ciclo EP tivo a sorte de escoitar a María falar dos seus libros e da súa faceta como escritora. Pero, tamén lles falou do proceso de creación, das súas personaxes nos contos, das novas historias...
Unha sesión moi enriquecedora, pois os nenos e nenas de 2º EP estiveron lendo no itinerario lector unha das súas obras; O lobo Ramón. Tendo a oportunidade de comentar coa escritora a historia e preguntarlle abertamente sobre o libro.
Como non podía ser doutro xeito, asinou os libros e deixou na nosa biblio un agasallo moi bonito 💓
.jpeg)
.jpeg)
.jpeg)
.jpeg)
.png)
.png)
.png)
.jpeg)
.jpeg)
.png)
.jpeg)
.jpeg)
.png)
.png)
.png)
.jpeg)
.png)
.jpeg)
.jpeg)
