Outra mirada de Begonte

 A semana do 24 ao 31 de outubro celebramos a semana AMI, semana mundial da Alfabetización Mediática e Informacional.

Coa saída das mochilas viaxeiras, polo día das bibliotecas escolares, botou a andar unha actividade que inaugura o noso PDI "Enredando por Begonte".

Trátase dunha actividade para que as nenas e nenos poidan compartir coas súas familias historias da súa contorna a través da búsqueda de información, exploración de espacios, conversas cos maiores ou simplemente saíndo a dar un paseo e fotografando lugares representativos.

Pedimos que as familias sexan un piar fundamental neste proxecto por ser o punto de conexión máis estable coa nosa contorna, sendo un acceso directo á información para o PDI.

Pois ben, comezamos a enredar pedindo que enviedes fotos de lugares de reunión social, construccións importantes para as parroquias, lugares menos coñecidos, fontes con hsitorias, camiños que quedaron esquecidos, persoeiros que deixaron ou deixan pegada nesta terra...

Sacade as mochilas de exploradores e poñede o foco no que chame a vosa atención da contorna.

Esperamos recibir moita información 👌

O papel das bibliotecas escolares debe potenciar as mentes curiosas para que indaguen, busquen, seleccionen, pegunten, observen...

Da información ao coñecemento!!

Cadeira Vermella de Héctor

 Retomamos un ano máis a dinámica da Cadeira Vermella.

Unha actividade enmarcada nas destinadas a animación á lectura na que os máis pequenos contan a historia do conto que levaron á casa ao resto da clase.

Deste xeito favorecemos a expresión oral, melloramos a linguaxe e potenciamos as habilidades comunicativas.

O feito de renarrar a historia contada significa que anteriormente foi comprendida, organizou a información dada e emprega as súas palabras e expresións para transmitirla.

Cantas oportunidades nos regalan os contos!!😍😍

O primeiro en sentar este ano na Cadeira Vermella foi Héctor para contar o conto de "Lúa".

Non perdades estes minutiños de vídeo👇

Moi ben Héctor 😍 esperamos que o seguinte conto che guste tanto.

Enredando por Begonte

Outubro é o mes das bibliotecas escolares, tempo de presentar o PDI ( proxecto documental integrado) no que vamos a traballar este curso.

...3, 2, 1.. que comece o enredo!!

Unha aventura documental na que a través da nosa contorna, Begonte, poderemos viaxar ao pasado, coñecer tradicións e costumes, afondar no tratamento da información, crear material que poidamos compartir coa comunidade, potenciar a nosa faceta de exploradores..

O obxectivo principal deste proxecto é que o noso alumnado valore o seu patrimonio, lingua e cultura. Fomentar o seu espíritu crítico e favorecer o pensamento computacional para axudarlles a ser cidadáns competentes.

No seguinte vídeo podedes ver as liñas prioritarias deste proxecto e a súa vinculación cos ODS, programas complementarios da biblioteca, actividades AMI/ALFIN, obxectivos... así como un pequeno resumo da presentación que fixo Inma Soto cunha contada moi especial 🌟

Moitas gracias Inma pola túa parada na escola de Begonte para sementar a ilusión e motivación neste proxecto😉

Enredamos xuntos por Begonte?

O Belén á medianoite!

 Xa chega o Samaín!

Como cada curso nestas datas Faiuco prepara un concurso🎃

Parece ser que cada ano o Belén de Begonte inclúe unha nova figura, un feito que xa é unha tradición. 

Así pois, presentamos este concurso para que en familia poidades pasar un bo rato e amosarnos as vosas dotes creativas para fabricar unha figura terrorífica para o Belén.

Atréveste a aceptar o reto?

Esperamos a túa creación antes do 28 de outubro📆

Ahh! Por certo, hai premio🏆

Voluntariado

 ...si! Paso a paso vamos dinamizando e organizando este espazo.

As nenas e nenos de 5º e 6º EP comezaron hoxe coa formación como voluntarios da Casiña de Faiuco.

Unha tarefa que leva consigo responsabilidades, ás que nos temos que comprometer 🔐

É por iso que, despois de asistir a esta formación aquelas nenas e nenos que desexen formar parte do equipo do voluntariado asinará un contrato, no que asume os compromisos.

Neste primeiro achegamento recordamos as normas das salas da biblioteca e mostramos as tarefas que deben desempeñar:

👉 Participar na organización das salas para distintas actividades.

👉 Facer valer as normas das salas, sendo elas e eles un exemplo do bo facer.

👉 Presentar as novidades á comunidade educativa.

👉 Ofrecer a posibilidade de levar nenas e nenos de infantil á biblioteca nos períodos de lecer, por quendas.

👉 Encargarse da orde e recollida de material na sala de lectura durante o lecer.

👉 Sacar as cestas de lectura ao patio

👉 Axudar na colocación dos libros nos andeis

👉...

Aproveitamos para explicar a orde da colección nos andeis, catálogo de cores, tejuelos... que lles vai axudar a poder participar na colocación de libros.

 

Continuaremos...

 

Listos para despegar!

 Voltamos!!

Comezamos o mes de outubro poñendo a punto a Casiña de Faiuco para que poidamos gozar dela😊

Por un lado, damos a benvida a todas as familias e alumnado de 4º Educación Infantil que comezan esta andaina escolar.

Logo, anunciar que dende a pasada semana temos aberta a sala de lectura polas tardes, agás os martes, para que poidades visitarnos e gozar da lectura compartida, tempos de xogos, préstamos... sendo así, un espazo no que gozar, ler, compartir, xogar, buscar información, pensar...

Por outro lado, a nosa biblioteca segue medrando e afianzando o seu camiño cara crear un espazo activo de aprendizaxe, encontro e participación.

Así pois, continuamos nos programas de Radio na Biblio, Biblioteca Creativa, Club de lectura... e neste curso escolar sumamos o programa "Lecturas e familias".

Finalmente, anunciar o lema deste curso escolar para as bibliotecas escolares "Da información ao coñecemento" que ten por obxectivo potenciar a curiosidade do noso alumnado para facerse preguntas e buscar respostas.

Fronte a desinformación as bibliotecas deben visibilizar o seu papel de formación de persoas críticas e ofrecer á comunidade programas de alfabetización informacional.

Cartaz de Rena Ortega

Pois ben, queda un curso por diante de moitas aprendizaxes, descubrimentos, talleres, podcast en Radio Corpiño, xogos, concursos, lecturas na Despensa, Obradoiros, encontros...

En breves, falamos do PDI🙈🙈

O museo de Faiuco

Para rematar co noso PDI " Que animalada!"🐾 fixemos unha exposición final para que toda a comunidade educativa puidera ver, participar e observar as actividades que realizamos ao longo do proxecto.

Nas seis salas nas que dividimos o Museo de Faiuco pódese observar os contidos que traballamos de xeito interdisciplinar nas nosas aulas, tendo en conta os intereses e motivacións do noso alumando.

Así pois, algúns deles son:

✔Falamos da responsabilidade e compromiso que debemos adoptar coas nosas mascotas, facendo un tendal dos animais que forman parte da familia de cada alumno ou alumna.

✔Animais invasores da nosa contorna.

✔Creamos pasaportes da paz para unha posible convivencia entre especies invasoras e autóctonas.

✔Gravamos un spot publicitario en colaboración coa protectora de Lugo "Este Nadal, non regales animais"

✔Achegámonos a figura de Jane Goodall: relacións sociais entre chimpancés, familias, actitudes e comportamentos, ferramentas que empregaban no seu día a día, selva de Gombe...

✔Fabricación de hoteis de bechos; con material de refugallo creamos refuxios para insectos.

✔Bechos na horta si ou non?; beneficios dos animaliños na Horta de Faiuco.

✔Identificación de pegadas e excrementos de animais; que información nos poden aportar?

✔Observación do comportamento de animais: bechos paus, lagartos, arañas, xoaniñas, vermes...

✔Elaboramos un novo número do xornal escolar "A voz do Corpiño", edición especial Pelopicopata.

✔Coidado do noso galiñeiro: responsabilidades

✔Formación sobre os cans de asistencia: cans de alerta, de asistencia a persoas con movilidade reducida ou de bloqueo.

✔Charlas sobre canarios e morcegos, da man de familias e asociacións

✔Fototrampeo: captura de fotos de bechos na súa contorna

✔Animalario 3D: Creación de bechos (que aparecen en poemas de autores galegos) con material de refugallo.

✔Elaboración de máscaras de animais en papel

✔Grafismo con distintos materiais e texturas do corpo de varios animais.

✔Achegámonos aos animais transformados da mitoloxía grega.

✔Coñecemos o manexo dos libros de divulgación: como facer consultas.

✔ Coa axuda de contos de animais, falamos da súa alimentación, gustos, lugares, nidos, forma de reproducirse, superpoderes, curiosidades...

✔Creamos animais terroríficos na época de Samaín.

✔Visitamos Corax fauna

✔ Observamos caixas de morcegos e falamos das súas características

✔ Falamos da lei de benestar animal

Se non puideches asistir á visita, poderás facelo a través do seguinte enlace. 

Anímate!!

Museo de Faiuco

Bo verán🌞, vémonos en setembro!!