Novidades do entroido! A lenda do grupo mixto de 1º e 2º curso,
non vola perdades!
Picade na imaxe
domingo, 27 de febreiro de 2022
venres, 25 de febreiro de 2022
Instrucións para a "CADEA DE BRINCADEIRAS"
Se es unha das persoas retadas, que tes que facer?
- Entrar na seguinte ligazón:
- Escoller algúns dos enredos que alí se propoñen ou algún outro similar que coñezas.
- Gravar un vídeo en solitario ou acompañado de quen ti queiras e no final do mesmo retar a outras tres persoas da comunidade educativa (nenas e nenos, familias, mestres, etc.).
- Enviar o teu vídeo por whatsapp ao número 669 00 54 47.
Os distintos vídeos dos retos irán sendo subidos ao canle Youtube do colexio e publicados no meu blog "A Casiña de Faiuco"
PERMANECEDE Á ESPREITA E...
ANÍMADEVOS A PARTICIPAR!
xoves, 24 de febreiro de 2022
Xa chega O ENTROIDO!!!!
Mañá día de festa!
A "Casiña de faiuco", xa está preparada polo alumnado de 3º e 4º curso.
É tempo de entroido!
"Cadea de Brincadeiras"
A cadea segue o seu curso e... xa contamos cun novo vídeo!
Graciñas edita y Álex!
mércores, 23 de febreiro de 2022
Na procura da personaxe do entroido Begontés!
Xa temos moitas novidades das personaxes creados polo noso alumnado!Picade na imaxe
Actividades do 23F
Co gallo do Día de Rosalía, na aula de sexto achegáronse á obra da nosa autora a través da "Negra Sombra" do seu libro Follas Novas (1880). Deixaron correr o maxín e o corazón para ver se un poema de hai case 150 anos tiña algo que lles dicir hoxe en día, e abofé que tiña!
Na aula de 4 anos, coñeceron o soño de cando Rosalía era pequeñina coma eles: ser pirata! Convertéronse en nenos e nenas valentes e fortes como era ela. Ademais, coñeceron o poema "Adiós ríos, adiós fontes" e ilustraron aquelas cousas as que se refire nel. As cousas que Rosalía botará de menos cando teña que marchar de Galicia: ríos, árbores, a súa mamá...).
Os peques de 3 anos, ensaiaron moito a canción de Rosalía pequeñina!
Os nenas e nenos de 5º, como non podía ser menos, hoxe adicaron a súa hora de ler a Rosalía coa obra de Teresa Candal, "rosalía de Castro."
tamén levaron a cabo actividades tic, co gallo de aprender máis sobre a súa vida.
En 5 anos, celebraron o seu día recreando un museo no seu nome, onde recolleron a súa profesión, algúns aspectos da súa vida, as obras máis importantes, e para lembrar que foi unha escritora que defendeu e valorou moito a lingua galega, escribiron as súas palabras galegas favoritas.
Dende a clase de relixión tamén fixeron unha pequena homenaxe a Rosalía e para iso traballaron o poema "Parece unha Rosa" que serviu de introdución á Coresma empregando a cor característica deste o tempo litúrxico.
Ademais, a comida de hoxe, no comedor do noso cole, estivo tamén adicada a Rosalía! Os nosos cociñeiros preparáronnos un suculento "caldo de gloria" e os nosos peques de infantil, repartiron uns manteis doados pola Fundación Rosalía de Castro, iniciativa inspirada no poema "Miña casiña, meu luar".
Os nenos de 3º e 4º, traballaron dous poemas de Rosalía de Castro, "Como chove miudiño" e "alborada".
Na clase de 1º e 2º, falaron de quen era Rosalía e viron un vídeo onde puidemos coñecer un pouco máis a súa vida e obra.
Tamén, volveron cantar a canción "Rosalía pequeñina" que lles encantou!
Vídeo
A nosa propia versión!
"Yo, sin embargo, soy libre, libre como los pájaros, como las brisas; como los árabes en el desierto y el pirata en la mar..."
Lieders (1858)
martes, 22 de febreiro de 2022
23F Día de Rosalía de Castro
Neste día de conmemoración á memoria de Rosalía de Castro, poetisa e novelista galega considerada entre os grandes poetas da literatura española do século XIX, repasamos a súa obra.
Sabiades que ten estrela a 240 anos luz da súa Terra?
Uns dos seus poemas máis coñecidos é "Adiós ríos, adiós fontes".
Neste vídeo podémolo escoitar e ver!
O alumnado de 6º curso, decorou a entrada da "Casiña de Faiuco" con escritos das obras de Rosalía.
E ao longo do día seguiremos lembrándoa!
luns, 21 de febreiro de 2022
El hilo invisible
Nas clases de Competencia Emocional co alumnado dos grupos mixtos de 1º e 2º, 3º e 4º, traballamos os vínculos a través do conto "El hilo invisible" da autora Miriam Tirado.
Un conto que nos ensina que o amor verdadeiro vai máis aló do tempo e do espazo.
tamén comprobamos os nosos vínculos cos compañeros e compañeras da clase, o noso fío foi visible e dixémonos mensaxes moi bonitas: quéroche, gústame ser a túa amiga, gútasme porque me escoitas...
Unha experiencia moi emotiva!
"O bosque de Faiuco"
O noso bosque segue medrando! Posta en marcha a Misión o freixo!
O alumnado do grupo de 3º e 4º inicia a súa investigación!
"Cadea de Brincadeiras"
Xa temos o primeiro Vídeo! o profe Álvaro e a pequena Sabela!
Graciñas!!
Seguimos coa cadea!
21F Día Internacional da Lingua Materna
Para máis información clicade na imaxe!
Hoxe celébrase o Día Internacional da Lingua Materna ou lingua inicial. Unha conmemoración establecida pola UNESCO para chamar a atención sobre a situación de moitas linguas minorizadas no mundo -entre elas, o galego-, reivindicar a diversidade lingüística e o dereito á lingua propia.
Dende a nosa escola, propoñémosvos unha
"Cadea de brincadeiras"
Se es unha das persoas retadas, que tes que facer?
- Entrar na seguinte ligazón:
- Escoller algúns dos enredos que alí se propoñen ou algún outro similar que coñezas.
- Gravar un vídeo en solitario ou acompañado de quen ti queiras e no final do mesmo retar a outras tres persoas da comunidade educativa (nenas e nenos, familias, mestres, etc.).
- Enviar o teu vídeo por whatsapp ao número 669 00 54 47.
Os distintos vídeos dos retos irán sendo subidos ao canle Youtube do colexio e publicados no meu blog "A Casiña de Faiuco"
PERMANECEDE Á ESPREITA E...
ANÍMADEVOS A PARTICIPAR!
domingo, 20 de febreiro de 2022
Formación de usuari@s
En breve comenzamos co "alumnado voluntario" para o que é necesaria a formación no coñecemento da organización da nosa biblioteca.
Neste Genially podedes visualizar mellor a "Casiña de Faiuco", saber que é a CDU, como se cataloga, que é un "tejuelo"... e todas aquelas dúbidas que poidas ter sobre a organización da nosa biblio!
sábado, 19 de febreiro de 2022
Convivencia e Mellora de Seguridad nos Centros Educativos
A complexidade destes tempos demanda que dende a escola se aborden temáticas que inviten á reflexión. Trátase de concienciar a noso alumando sobre temas puntuais e reais tales como o acoso escolar, a igualdade e a violencia de xénero.
Porén, nesta semana, enmarcado no Plan Director de noso centro, recibimos a visita de Hector Méndez, psicólogo e garda civil que brindou unha charla para tratar estas temáticas co alumnado de 5º e 6º curso de EP.
mércores, 16 de febreiro de 2022
PROXECTO DOCUMENTAL INTEGRADO
Novas actividades! O bosque de Faiuco segue medrando!
- Misión: a menta
- Novidades na Misión a lavanda!
- Misión: o carballo
- As formigas
- Misión: O castiñeiro
- Misión: O bidueiro
martes, 15 de febreiro de 2022
NA BUSCA DA PERSONAXE DO ENTROIDO BEGONTÉS
Como sabedes, moitos entroidos galegos teñen unha personaxe de referencia. os cigarróns de Verín ou os volantes de Chantada son dous bos exemplos. ben, pois xa é hora de que Begonte teña a súa personaxe.
Neste padlet encontraredes máis información sobre o noso proxecto e iredes vendo como vai medrando pouco a pouco en cada nivel educativo. Esperamos que vos guste!
Clicade na máscara!
13F #DíaMundialdelaRadio
O Día Mundial da Radio é unha xornada dedicada ás emisoras de radio e aos seus oíntes. Foi proclamado en 2011 pola UNESCO e elevado a Día Internacional de interese pola Asemblea Xeral das Nacións Unidas en 2012.
A UNESCO fai un chamamento ás radios de todo o mundo para que celebren este día baixo o lema "A radio e a confianza".
No noso cole, temos a Radio Corpiño que aínda estamos a probar.
A semana que vén, conmemorando este día, virán de visita deportistas que serán entrevistados polo noso alumnado. Falaremos sobre "hábitos saudables" en relación co PDI "O bosque de fAiuco" e cos obxectivos da Axenda 2030.
Estades atentos que iremos informando!
Se vos apetece saber máis sobre a "historia da radio", clicade no seguinte ligazón:
30 de Xaneiro
- DÍA DA NON VIOLENCIA E DA PAZ -
Parte III
Listo o vídeo de conmemoración do Día da Non Violencia e da Paz. Ou alumnado da nosa escola interpretou baixo a dirección do " profe Eli" o tema "Unha mensaxe ao mundo".
Que ben o fixeron!
luns, 14 de febreiro de 2022
Educar a través da arte
Hoxe compartimos unha charla cos autores do libro "Educar a través da arte", Vicente Blanco e Salvador Cidrás.Crear espazos de acción, educar no sentido estético, potenciar o pensamento narrativo e apostar polo desenvolvemento da imaxinación e a creatividade son algúns dos temas expostos.
Seguimos formándonos para mellorar a nosa práctica educativa!
Espazo Maker
O alumnado de 6º curso, dentro do proxecto Digicraf, investigaron sobre as mulleres científicas pioneiras.
domingo, 13 de febreiro de 2022
Novas actividades no PDI!
O noso trasno andou polas aulas!
Novas actividades:
-Correo de Faiuco
-Misión: a lavanda
-Misión: o romero
Lembra clicar na actividade que queiras visualizar!
Pequenas contacontos!
Esta semana, na cadeira vermella contacontos, alumnas de 4 anos de EI.
Autora e ilustradora, Rocío Bonilla
Autor Jean Marc Deroven
Ilustracións de Laure du Faÿ
Grazas Erea e Sofía!
Un conto sobre diversidade e inclusión
A ferrolá Chelo Loureiro gaña un premio Goya co filme Valentina (2021) un conto musical sobre a diversidade e a inclusión.
Cultura Galega!
Dende o ceip Plurilingüe Virxe do Corpiño e dende a Casiña de Faiuco, Parabéns por este merecido premio!
sábado, 12 de febreiro de 2022
11F Día Internacional da Muller e a Nena na Ciencia II
O 11 de febreiro celébrase o Día Internacional da Muller e a Nena na Ciencia, proclamado pola ONU no ano 2015.
O obxectivo principal deste día tan especial é lograr unha maior participación e inclusión das mulleres e as nenas no mundo da ciencia e a tecnoloxía e desta maneira romper coa brecha de xénero.
Actualmente, nalgúns países do mundo, existe unha loita de xéneros, onde aínda á muller négaselle a participación en disciplinas como a tecnoloxía, as ciencias ou as matemáticas, só por enumerar algunhas.
O alumnado da nosa escola, traballou esta conmemoración con distintas actividades.
Os nenos e nenas de 3 anos, escoitaron o conto de Dian Fossey, fixeron un mural coas súas mans e coas dos gorilas. Viron tamén, por primeira vez, un microscopio e fixeron algúns experimentos.
En 4 anos, investigaron e ilustraron a Gertrude Elión, unha farmacéutica que descubriu medicamentos para moitas enfermidades. Coñeceron a súa historia e fixeron un pequeno experimento con auga e bicarborato.
En 5 anos, tamén traballaron con Gertrude Elión! Ilustrárona e investigaron a súa vida. Escoitemos o resumo!
No grupo de 1º e 2º, investigaron a catro mulleres importantes relacionadas coa astronomía (Vera Rubin), as matemáticas (Maryam Mirzakhani) e a ciencia (Rosalind Franklin e Hipatia de Alejandría).
No grupo mixto de 3º e 4º, investigaron sobre científicas galegas: Isabel Zendal, Ángeles Alvariño e Antonia Ferrín.
No mesmo grupo, na área de Música, investigaron sobre Daphane Oram, enxeñeira de son, primeira DJ da historia!
Exposición das investigacións de Educación Primaria.
Parabéns polo voso traballo!
E lembremos as palabras da médica Rita Levi...
Subscribirse a:
Publicacións (Atom)