#SinContaminaciónPorPlásticos

 

5 DE XUÑO -DÍA MUNDIAL DO MEDIO AMBIENTE-

   Segundo as Naciones Unidas, os plásticos constitúen a fracción máis grande, daniña e persistente do lixo mariño e representan polo menos un 85% do total dos refugallos que hai no mar. 

   Os ríos e lagos transportan refugallos plásticos desde o interior continental ata os mares, o que os converte nas principais vías de contaminación dos océanos.

   Por tal motivo, resulta primordial que o Día Mundial do Medio Ambiente mobilice medidas ambientais transformadoras en todos os recunchos do mundo.

   En relación ao noso Proxecto Documental Integrado "Faiuco e o coidado da hidrosfera", convidámosvos ao movemento mundial por un planeta #SinContaminaciónPorPlásticos.

Para máis información, clicade na seguinte páxina:

     

ENTRE A HORTA E O GALIÑEIRO

 

Neste curso 2022-2023, igual co anterior, continuamos co proxecto transversal, "A HORTIÑA DE FAIUCO".

 

Cal e a razón pola que avanzamos neste proxecto?

A razón é que, crear unha horta escolar,  achega multitude de beneficios ao alumnado. Algúns destes beneficios son:

 Desenvolvemento de habilidades motrices. Plantar a horta require remover a terra e utilizar ferramentas coas mans como pas ou regaderas, polo que os nenos e nenas mellorarán as súas habilidades motrices.

Traballo en equipo, grupos colaborativos. As hortas escolares requiren que o grupo de nenos e nenas sigan as indicacións do profesorado e que se coordinen entre eles para repartir todas as labores que hai que facer. O traballo en equipo será unha habilidade que utilicen ao longo da súa vida e promoverá, ademais, valores como o respecto ou a igualdade.

Responsabilidade. Cada neno e nena asumirá unha responsabilidade en relación á horta e isto ensinaralles a importancia de tomar decisións, asumir as consecuencias das mesmas e actuar con dilixencia.

Sustentabilidade. As hortas escolares poden ser unha forma de ensinar aos nenos e nenas a importancia da sustentabilidade. Por exemplo, pódese utilizar o que se refugue da horta como abono natural dos próximos cultivos, o aproveitamento da auga e a importancia do seu coidado. 

Aprendizaxe sobre os alimentos. As hortas escolares son unha forma de que os nenos e nenas aprendan as vitaminas que ten cada froita ou verdura, que alimentos son máis sans, ou como elaborar comidas nutritivas cos produtos que se cultivan.

A nosa horta xa está empezando a dar os seus primeiros froitos!

Tamén temos o galiñeiro! Nos organizamos, coidamos e recollemos os ovos das nosas pitas para logo facer ricas receitas que compartimos no "Recetairo de Faiuco" que está na biblioteca. 

I Carreira Solidaria "San Faiuquiño"

Cun total de 108 participantes e 150 kg de comida doados aos servizos sociais do noso concello, levouse a cabo a I Carreira Solidaria. Agradecemos a toda a comunidade educativa, ao @concellodebegonte, ao equipo de Corre por begonte e á AD Rego do Lobo por facelo posible!

Moitísimas grazas!

I Carreira Solidaria "San Faiuquiño"

O Departamento de Educación Física da escola, dentro do Proxecto de vida Activa e Deportiva do centro, organiza a "I Carreira Solidaria San Faiuquiño" en colaboración co @concellodebegonte, co Clube de Atletismo Corre por Begonte e coa asociación deportiva "Rego de Lobo".

FAiuco anímavos a participar!

PDI "Faiuco e o coidado da hidrosfera"

Excursión ao Aquarium Finisterrae da cidade da Coruña

Despois da presentación do PDI da nosa biblioteca, esta visita e a iniciación a un proceso de investigación, aprendizaxe e concienciación do coidado do medio ambiente.

#DíadasBibliotecasEscolares - PDI Faiuco e o coidado da hidrosfera -

 

Coincidindo co Día das Bibliotecas Escolares, Faiuco presentounos o novo Proxecto Documental Integrado que xurdiu do interese do noso alumnado polos animais do mar. O PDI titúlase "Faiuco e o coidado da hidrosfera".

Visionamos o vídeo Que é a hidrosfera para ti?  co obxectivo que ao finalizar o PDI sexan capaces de valorar as aprendizaxes adquiridas duranto o proceso.

 Rosiña, a amiga de Faiuco,  tamén estivo con nós!

Transmitíronnos a súa preocupación polo coidado da hidroesfera, a necesidade de aforro da auga, de unha xestión responsable, a importancia da auga potable, da contaminación...

 Fixéronnos reflexionar e decidimos poñernos mans a obra!

PROXECTO DOCUMENTAL INTEGRADO

 O noso PDI está chegando ao final!

Na hortiña de Faiuco, xa hai novidades!

Os nosos alumnos e alumnas cóntannos todo o que aprenderon. Se Clicades en "Actividades", no Índice  atoparedes a actividade O que aprendimos! Podedes velo alí!

Actividades do 5 de xuño

 #unha soa terra

 

Na clase de 5 anos, lemos o conto "Unha árbore" para conmemorar o Día do Medio ambiente. Descubrimos canto ben nos fan as árbores e que importante é coidalas!

 

 

Despois animámonos a representar o conto con marionetas e este foi o resultado!

 

Qué ben o pasaron!

 

Os nenos e nenas do grupo de 1º e 2º, na clase de Ciencias Naturais, reutilizaron botellas de plástico para crear a súas propia maceta e con elas aprenderon a xerminar fabasa empregando o método do algodón. Agora só falta esperar uns días!

 

 parabéns!

Fai uns días recibimos a visita de @tyler_kalinoski24 e @jordan_sakho , acompañados polo director da Fundación Breogán

@jordan_sakho, compartiron con nós unha agradable experiencia. 

Dentro do noso proxecto, e seguindo o ODS 3, "Benestar e saúde", nosos particulares "periodistas" realizaron numerosas preguntas relacionadas cos coidados dun deportista: alimentación saudable, descanso, exercicio físico...

Toda unha experiencia compartida para noso alumnado!

Moitísimas grazas!

  

Proxecto Documental Integrado

 Dentro do Proxecto Documental Integrado do Bosque de Faiuco, volve  

 RADIO CORPIÑO

-Investigación do alumnado de 6º curso sobre "As bidueiras" (Pica na actividade Radio Corpiño).

-Novidades na "Hortiña de Faiuco"!

-Novas fotos do coidado das nosas pitas!

Na cociña!

 Seguimos coa proposta!

Merendas saudables

O grupo de 1º e 2º, moi entusiasmado dedicouse a repostería! O "Libro de receitas" segue medrando!

          

PROXECTO DOCUMENTAL INTEGRADO

 Novas actividades na "Misión lavanda" e no "Noso galiñeiro".

Lembra ir ao índice e picar na actividade que queiras visualizar.

A camiñada de PIN e GAS!

 

Un conto sobre a importancia da auga que traballaron os peques de 3 anos. Aprenderon tamén novas palabras para decir chuvia e colorearon unhas cantas pingas!

E aprenderon que a auga hai que coidala!

Semana da Prensa - III parte -

 

Xa está con nós a primeira edición de...

A VOZ DO CORPIÑO

- O xornal de Faiuco -

    

   

Cada grupo de Educación Primaria, traballou sobre os xornais do "quiosco" da biblioteca e fixo a súa propia investigación para poder darlle forma a cada unha das noticias e vinculalas cos obxectivos da Axenda 2030. 

E para rematar a tarefa, o alumnado de 5º repartiu exemplares a saída do cole! Toda unha festa!

Traballo en equipo, traballo colaborativo!

Parabéns a tod@s!

Nova proposta!

 

Poñemos en marcha a actividade de

 "Merendas saudables"

AProveitando que andiveron a investigar o carballo, os nenos e nenas de 5º, fixeron galletas coa forma da súa folla para convidar a todo o colexio. Como ulía de delicioso!

 

  

Proxecto Documental Integrado

 No "Bosque de Faiuco" hai novidades na misión o romeu.

8M "Educar na igualdade"

  

 Actividades nas aulas

ao longo de toda a xornada do día martes, fixéronse actividades conmemorando este día en todas as clases. 

Os nenos e nenas de 3 anos empezaron o día tratando de comprender que, homes e mulleres poden facer os mesmos traballos e facer as mesmas cousas, clasificando obxectos de diferentes profesións. Tamén participaron da charla na biblioteca coas nais invitadas e, remataron o día, cunha actividade plástica reflexando a cor da "igualdade" coa mestura do rosa e azul. 

Na clase de 5 anos traballaron cos contos "Guay" e "Daniela Pirata". Reflexionaron sobre actitudes relacionadas coa igualdade entre o home e a muller, Escribiron os obstáculos que se atopan no camiño cara a igualdade e, cun pincel, foron sortéandoos simbolizando un roteiro en prol dunha sociedade sen prexuízos. 

Na clase de 1º e 2º, leron e reflexionaron sobre o libro "Las niñas serán lo que quieran ser". Logo, renderon homenaxe a unha das mulleres importantes das súas vidas describindo as cualidades que as fan especiais. Tamén estrearon a pizarra da "Casiña de Faiuco"!

No grupo mixto de 3º e 4º, investigaron sobre o papel da muller na sociedade a través das distintas profesións. Falaron sobre os traballos das súas nais, en que consisten e a importancia que teñen na sociedade. Finalmente, fixeron unha actividade escrita.

En 5º, andiveron a traballar sobre o cartel publicitario de Rosie the riverter. Investigaron sobre a súa orixe, significado e simboloxía. Finalmente, montaron e colorearon entre tod@s un quebracabezas para reproducir o cartel 

Na aula de relixión, estiveron a traballar algunhas das mulleres que aparecen na Biblia e que, no seu momento, loitaron nun mundo dominado polos homes. Traballaron ademais, a historia das irmás Touza, as cales axudaron a centos de xudeus a escapar do Holocausto nazi.