Os nenos e nenas de 2º curso, no ámbito da competencia emocional, aprenderon a vencer o aburrimento.
Ideas e propostas surxiron logo de momentos de reflexión onde descubriron como combatir e superar esta emoción, a veces molesta.
Pois foron capaces de recoñecer que a imaxinación é moi importante, que permítenos crear e mirar pequenas cousas que a veces pasan desapercibidas.
Entón, o aburrimento é tan negativo?
Despois de lecturas, reflexión, postas en común decidimos poñer mans á obra!
Foron de compras ao Polo Creativo e mercaron distintos materiais e cousiñas que non se utilizaban. Logo fixeron en grupo vistosos collages e inventaron Historias moi divertidas:
Compartíronas co resto dos grupos e proximamente serán expostas no corredor da escola.
Neste curso seguimos promovendo a expresión oral dos peques de EI.
A "cadeira vermella" segue cumprindo coa iniciativa da renarración de historias.
Enzo, de catro anos, levou para a casa o conto "La montaña de libros más alta del mundo" e así lles contou aos seus compis, a historia de Lucas, o protagonista.
O Departamento de Educación Física da escola, dentro do Proxecto de Vida activa e Deportiva do centro, organiza a "II Carreira Solidaria San Faiuquiño" en colaboración co Concello de Begonte, co Clube de Atletismo Corre por Begonte e coa Asociación Deportiva "Rego do Lobo".
É unha carreira aberta á participación de toda a comunidade educativa, de xeito que non só poderán participar os nenos/as e os mestres/as, senón tamén aquelas nais e pais e familiar que así o desexen.
Todos coñecemos o que significa o cine e o que representa hoxe en día na nosa sociedade.
Dentro do Proxecto Documental Integrado "Luz, cámara, acción... rodamos con Faiuco!, o alumnado do noso centro, visitou a exposición "empieza el espectáculo. Georges Méliès y el cine de 1900".
Nesta exposición, faise unha viaxe polo século XX na que en tan só 200 metros cuadrados, revívese eses anos na man deste cineasta francés.
Os nenos e nenas, puideron coñecer o nacemento do "cine" como fenómeno popular, observaron réplicas, maquetas, obxectos da época, fotografías que fan viaxar no tempo, reproducións das primeiras películas...
Gozaron dalgunhas proxeccións, coñeceron trucos e descubriron segredos do cine! Tamén puideron saber máis da vida dos irmáns Lumiere e ata xogar cun zoótropo!
Para conmemorar este día fixéronse actividades nas distintas aulas.
👉 En Educación Infantil, traballaron sobre o que é para eles que os traten ben ou mal e sobre as palabras que lles gustan e aquelas que significan un trato desagradable. Por iso, berraron non á violencia.
👉 En 1º curso de Educación Primaria, decidiron conmemorar este día facendo un marcapáxinas, así cando collan o seu libro de lectura, poderán lembrar que a non violencia e o respecto cara aos demais teñen que celebrarlo e traballalo todos os días! 💗
👉 En 2º curso, fixeron un "SCape Room" onde traballaron temas tan importantes como o respecto aos demais, a non violencia e á igualdade.
👉 No grupo de 3º e 4º curso, participaron no concurso de lemas e na impresión 3D dos chaveiros co lema gañador.
👉 En 5º e 6º curso, investigaron sobre o por que desta conmemoración. Así descubriron as irmás Mirabal (Patri, Minerva e María Teresa) e souberon que eran de orixe dominicana, que se opuxeron á ditadura militar do seu país e que loitaron incansablemente por cambiar o rol da muller na sociedade. Como eran coñecidas como "as mariposas", os nenos e as nenas deste curso, elaboraron caligramas nos que se poden ler frases que nos levan ao recordo destas valentes mulleres. tamén xunto con 3º e 4º curso, participaron no obradoiro de impresión 3D do lema gañador.
O obradoiro foi no Polo Creativo da nosa escola e experimentaron o mundo da impresión 3D e as posibilidades dunha cortadora láser, da man de Carlos, pai de Sofía, e do seu compañeiro, Suso.
Toda unha experiencia!
Moitas grazas Carlos e Suso!
Este é o vídeo é o resumo de todos os traballos feitos!
O Día Internacional da Eliminación da Violencia contra a Muller, conmemórase anualmente cada 25 de novembro para denunciar a violencia que exerce sobre as mulleres en todo o mundo e reclamar políticas en todos os países para a súa erradicación.
Na nosa escola, o alumnado propuxo distintos lemas para alzar a voz contra a violencia as mulleres.
O lema escollido, foi o de Andrea de 5º curso de Educación Primaria:
Será a nosa voz para o 25N,
queres que sexa a túa tamén?
O @concellodebegonte utilízao nas súas publicacións, se algunha outra institución ou empresa da zona desexa unirse a nosa voz pode pedir no cole o cartel.
Estamos encantados de que a nosa contorna se faga eco tamén!
No mes da ciencia, novembro, lanzamos o I concurso "Matemáticas, onde estás?"
Ciencia, fotografía e creatividade da man para descubrir e experimentar coa arte e as matemáticas na nosa contorna: na escola, na casa, no mercado, na cociña, no bosque, na granxa...
As bases do concurso serían as seguintes:
👉Poñer un título a foto, en galego e cunha mensaxe matemática.
👉Máximo 3 fotografías por participante.
👉Enviar as fotografías ao titor ou titora en formato JPG. Cada titor ou titora mandará un abalar ao seu grupo para facilitar o correo electrónico.
👉O prazo de presentación é dende o xoves 16 de novembro ata o 4 de decembro.
👉Finalizado o prazo de presentación serán seleccionadas as fotogarfías gañadoras nestas categorías: Educación Infantil ( A e B) e Educación primaria ( por ciclos).
👉Valorarase fundamentalmente a mensaxe en relación co contido matemático.
A priori parece complexo, pero só hai que parar e observar, as matemáticas están por todos lados!!
O ángulo de apertura dunha porta, dos radios da roda da bici son o diámetro, series en ventás dun edificio, Unha flor pode ser un claro exemplo de simetría.
Cada 10 de novembro celébrase este día co obxectivo de divulgar os avances científicos, garantir cos cidadáns estean informados sobre os avances na ciencia e destacar o rol que desempeñan os científicos na sostenibilidade do noso planeta.
Dende a plataforma E-ELBE.2, convídannos a descubrir e compartir este fantástico mundo científico.
A Consellería de Educación selecciona ao CEIP Plurilingüe Virxe do Corpiño para participar no programa "Radio na Biblio".
Hoxe en día, as bibliotecas adáptanse aos novos usos sociais e as novas linguaxes e crean espazos de encontros e de aprendizaxe compartido que configuran recunchos para a exploración, a investigación, a aprendizace experiencial e á expresión oral, escrita, plástica e visual.
Porén, cando a escola incorpora un "laboratorio de radio" xera unha importante dinámica de comunicación, de apoio aos proxectos do centro, de difusión cultural e das investigación elaboradas polo alumnado e de impulso aos novos proxectos de carácter interdisciplinario que poidan xurdir.
Hoxe, no día das bibliotecas escolares, inauguramos o Proxecto Documental Integrado da man do noso trasno!
fixemos un Breve percorrido sobre a cultura cinematográfica e a linguaxe audiovisual.
Destacamos algúns xéneros como a comedia e animación e fixemos fincapé nos inicios do cine coa proxección de curtos como os de Laurel and Harry, Charles Chaplin e Mickey Mouse nos inicios do cine mudo e en branco e negro.
As risas chegaban a todos os recunchos da nosa biblioteca!
Pasamos á animación con o Pato Donald, Piolín e Tom and Jerry, pero xa con cores e sons.
A festa animábase cada vez máis!
Destacamos a importancia dos efectos especiais e das bandas sonoras así como tamén a importancia dos documentais para coñecer e para reflexionar.
Faiuco deixounos unha mensaxe e invitounos a xuntos investigar, descubrir e compartir todo o que esta arte do cine nos ofrece.
Se ben este proxecto naceu das inquedanzas dos nenos e nenas do noso cole, a decisión de traballar esta linguaxe está enfocada cara os seguintes obxectivos:
- fomentar a alfabetización visual, como as imaxes e os sons se utilizan para contar historias e transmitir información.
-Promover a creatividade.
- Experimentar coa creación de películas, dende a escritura de guións ata a produción e edición.
- Desenvolver habilidades narrativas.
-fomentar o pensamento crítico.
-Promover a empatía e a comprensión cultural.
-Fomentar a apreciación das artes visuais.
-Mellorar as habilidades de comunicación.
-Potenciar o traballo en equipo.
-Promover a diversidade e a inclusión.
Como vedes, son numerosos os beneficios de introducir o cine no currículo.
Invitámosvos a participar e a compartir con nós esta nova aventura!
Coa celebración do Día das Escritoras, iniciada no ano 2016, búscase reivindicar o labor e o legado das escritoras a través da historia.
Nesta edición, o comisariado recae na escritora Marta Sanz e o tema escollido é O pracer, a alegría e a risa das mulleres, co que preténdese facer deste día unha xornada de celebración.
Se ben, dende bibliotecas escolares, propoñen que se visivilice a obra de escritoras galegas, nós traballamos tanto escritoras galegas como doutras nacionalidades, xa que baseámonos no noso Proxecto Documental Integrado que atópase relacionado coa cultura cinematográfica e a linguaxe audiovisual.
Nas aulas de educación infantil, centráronse en Ana Meilán para conmemorar este día. Entre outras cosas, descubriron que Ana é una escritora de contos infantís e, sen dúbida, o que máis lles chamou á atención, foi que naceu en Lugo!
A través das súas historias imaxinaron, riron e coñeceron divertidos personaxes como a araña Lucy ou lobo Rigoberto.
En educación primaria, os nenos e as nenas de 1º e 2º curso, traballaron xuntos e aprenderon moitísimo! Eles investigaron a escritora Pamela Lyndon Travers, centrándose na súa principal obra: Mary Poppins. De forma colaborativa destacaron os datos máis relevantes visualizándoos nun mural e por último, fixeron unha exposición oral de todo o que aprenderon.
Como obxectivos principais deste traballo podemos salientar:
-Coñecer a autora e a súa principal obra.
-Entender que o coidado e a educación dos fillos e fillas é responsabilidade dos pais.
-Comprender que a disciplina non ten que ver co cariño e que pódese ser unha persoa estrita e alegre á vez.
-Coñecer que é un musical.
Nas aulas de 3º e 4º curso, escolleron á escritora e produtora, J.K. Rowling autora de Harry Potter unha das autoras máis lidas polo alumnado deste grupo, de aí a súa elección.
Investigaron e buscaron información sobre a súa vida e, posteriormente, sobre as súas películas e os seus libros. Compartiron toda a información nun mural!
En 5º e 6º curso de primaria, fixeron un traballo en pequenos grupos. Centráronse en investigar tres escritoras.
Un grupo traballou a bibliografía de Elvira Lindo, novelista, guionista e escritora de literatura infantil, coñecida polo persoaxe Manolito Gafotas.
Un segundo grupo investigou a vida e obra de Astrid Lindgren, creadora da persoaxe literario, Pippi Calzaslargas.
Por último, o terceiro grupo buscou información sobre Mary Shelley, a creadora de Frankenstein, a primera novela de ciencia ficción moderna que posteriormente levouse ao cine.
Nas especialidades de Relixión e Inglés fixeron unha investigación doutras dúas escritoras máis.
Comezando pola área de Relixión, coa figura de Teresa de Jesús, precisamente sendo a muller que revindicou o labor e o legado literario das mulleres durante a nosa historia. Tanto é así que, celebramos dita festividade na data máis próxima ao 15 de outubro, rendindo homenaxe ao aniversario do seu falecemento.
No caso da área da lingua extranxeira, inglés, inestigaron a Melissa Mathison unha das mulleres máis recoñecidas no mundo cinematográfico logrando varios premios.
Coñecémola por películas como: E.T, el extraterrestre; The BFG ... entre outras.
E que mellor, que escoitar falar delas ao noso alumnado, dádelle ao play.
.png)
