Recomendacións para o verán!

Uns dos obxectivos do noso Plan de Lectura é contribuír á formación lectora de noso alumnado. Neste sentido, Faiuco recoméndanos  lecturas moi interesantes para este verán.

Non deixedes de ler e desfrutar da maxia dos libros! 

felices vacacións!

 

Proxecto Digicraft!

 Nesta actividade, o alumnado de 3º e 4º, usaron o detector de sons fortes para que Zowi actuase como un dado electrónico. Despois, xogamos a programalo para que chegase a un punto determinado.

Festa dos Maios - III parte -

 

Gañadores do Concurso de coplas dos Maios 2022

1º e 2º curso de Educación Primaria

 e 5º curso de Educación Infantil 

 

 

 Os de primeiro e segundo

do Virxe do Corpiño

estamos moi contentos

coma os paxaros do Miño.

 

O día 31 de maio

a este maio imos cantar 

agardamos que vos guste

e vos faga desfrutar. 

 

 

 

Aquí estamos os de cinco

festexando cun brinco

que o inverno xa marchou

a xogar ao soliño me vou. 

 

PARABÉNS!

A nosa biblioteca #construímolaentretod@s!

  

Os voluntarios da nosa biblio, alumnado de 5º e 6º curso, foi agasallado pola súa labor. Sen dúbida unha labor necesaria para poder reorganizar a nova "Casiña de Faiuco!

 MOITÍSIMAS GRAZAS!

"Cadea de brincadeiras"

 

 

 

Faiuco pensaba que a cadea rematara, pero non...

 chegou o vídeo de Matías de 4 anos de Educación Infantil! 

E o fixo así de ben!

 

Graciñas Matías!

 

Festa dos Maios - II parte -

 

Na clase de Música, tamén festexaron os maios!

 

 

 

Os peques de 3 anos cantaron a súa copla. O fixeron así de ben!

e en 1º e 2º tamén! 

 

A "Casiña de Faiuco"

#construímolaentretod@s

A nova "Casiña de Faiuco", necesita dos aportes de toda unha comunidade educativa.

Tivemos a sorte de contar con alumnado voluntario, coas familias e cun equipo de biblioteca moi involucrado, en prol dunha escola inclusiva e de calidade. 

Alumnado voluntario de 5º e 6º

Toño e a súa creación para reutilizar os libros do expurgue.

 

Aníbal e a súa arte co mural.

 

E un equipo de biblioteca estupendo!

Graciñas a tod@s por voso

tempo e dedicación!

 

PROXECTO DOCUMENTAL INTEGRADO

 O noso PDI está chegando ao final!

Na hortiña de Faiuco, xa hai novidades!

Os nosos alumnos e alumnas cóntannos todo o que aprenderon. Se Clicades en "Actividades", no Índice  atoparedes a actividade O que aprendimos! Podedes velo alí!

Actividades do 5 de xuño

 #unha soa terra

 

Na clase de 5 anos, lemos o conto "Unha árbore" para conmemorar o Día do Medio ambiente. Descubrimos canto ben nos fan as árbores e que importante é coidalas!

 

 

Despois animámonos a representar o conto con marionetas e este foi o resultado!

 

Qué ben o pasaron!

 

Os nenos e nenas do grupo de 1º e 2º, na clase de Ciencias Naturais, reutilizaron botellas de plástico para crear a súas propia maceta e con elas aprenderon a xerminar fabasa empregando o método do algodón. Agora só falta esperar uns días!

 

 parabéns!

5 de xuño - Día Mundial do Medio Ambiente -

 Como cada 5 de xuño desde 1979, celébrase o Día Mundial do Medio Ambiente, que se converteu na plataforma mundial máis grande para a divulgación pública ambiental que celebran millóns de persoas ano a ano.

Amorodos da nosa horta.

 

 

Dirixido polo o Programa das Nacións Unidas para o Medio Ambiente (PNUMA), este día é unha das datas máis importantes do calendario das Nacións Unidas. Esta organización,  marcou como obxectivo principal deste día a sensibilización ambiental, lograr motivar á poboación mundial a ser parte activa do desenvolvemento sostible e do coidado do noso planeta.

 

O tema central deste ano é  #UNHA SOA TERRA  

 

Preténdese visibilizar a emerxencia que afronta o noso planeta referida ao clima. A aceleración do quecemento global impacta na perda do hábitat de máis dun millón de especies, atopándose en perigo de extinción. 

 

Unido a iso, a contaminación ambiental tamén impacta de maneira negativa no aire, na terra e na auga.  

 

Dende as nosas aulas, intentamos concienciar a noso alumnado da necesidade de coidar a Terra e facer xunt@s que a vida sexa máis sostible. 

 

 

 

 

 

Se queredes saber máis? 

No seguinte enlace encontraredes información. 

 

 https://www.diainternacionalde.com/ficha/dia-mundial-medio-ambiente

 

 

Plataforma dixital E-ELBE.2

Como comunicamos anteriormente, xa está a servizo da comunidade educativa a biblioteca dixital. lembrar que "a condición de usuario pasará pola obtención do preceptivo carnet de usuario da biblioteca".