As nenas e nenos de 6º aprenderon como funciona unha intelixencia artificial que identifica debuxos. Ademais, buscaron imaxes con licenza Creative Commons en Internet, para adestrar a unha intelixencia artificial propia para recoñecer debuxos de gatos e mazás.
O grupo de 6º segue traballando coa robótica. Nesta actividade descubriron algúns dos compoñentes habituais dun robot. Posteriormente, deseñaron e recorreron un circuíto, empregando distintos materiais reutilizables a modo de obstáculos que sortearon controlando o Sphero mini.
O alumnado de 6º creou unha bonita historia -con final feliz- sobre animais abandoados coa axuda do seu elemento favorito do kit Digicraft: o robot Zowi.
Como anunciaramos, o alumnado de 3º e 4º, xunto a súa titora, a coordinadora do proxecto e o director do centro, acudiron ao
I Congreso da innovación educativa e dixital -Dixinova 2022-
Presentaron o seu proxecto ao xurado, compartiron obradoiros de robótica, programación e realidade aumentada, e asistiron a unha charla con David Aguilar @handsoloofficial. Escoitaron en primeira persoa, a súa historia de superación e como construíu a súa propia prótesis con pezas de Lego. Todo un exemplo!
Unha gran experiencia!
Parabéns a todo o grupo polo seu traballo!
Digicraft Pescavirus!
Remataron o itinerario traballando a seguridade nos nosos dispositivos informáticos pescando virus. Parece doado pero tiveron que ter coidado de non pescar tamén as aplicacións!
En 4º curso, iniciámonos na Robótica creando os nosos propios robots con materiais de refugallo e programándoos mediante tarxetas de movemento.
Distintas actividades de digicraft en 6º curso!
"Creando o noso mundo virtual"
Os nenos e nenas de de 1° e 2°, viaxaron polo mundo, cruzaron o Atlántico e chegaron a México para descubrir a historia e obra da pintora latinoamericana máis recoñecida pola arte, Frida Khalo.
A través dun código QR visitaron o seu museo e descubriron as súas obras.
