Durante o segundo trimestre, o noso amigo Faiuco viaxou nada máis e nada menos que ata o Antigo Exipto, utilizando a súa incrible máquina do tempo. Canto aprendimos grazas ás súas aventuras!
Tivemos que axudarlle a comprender mellor como era a vida das xentes daquela época e para iso fixemos unha morea de actividades:
- Descubrimos a linguaxe en xeroglífico.
- Decoramos o pasillo como unha auténtica tumba exipcia chea de xeroglíficos e imaxes do faraón.
- Seguimos coas "mochilas viaxeiras", que foron para as casas cargadiñas de libros relacionados co Antigo Exipto.
- Investigamos en diferentes soportes as características principais do Antigo Exipto e compartimos as aprendizaxes co resto dos compañeiros/as.
- Fixemos un obradoiro de papiro, escribindo neles o noso nome en xeroglífico.
- Traballamos as pirámides desde as matemáticas, construimos unha con caixas de zapatos e investigamos o seu significado para os antigos exipcios.
- Aprendimos como era a música daquela época e os instrumentos que empregaban para facela.
- Convertímonos en homes e mulleres do Antigo Exipto polo Entroido.
Aquí vos deixamos uns vídeo-resumo que dan conta de todo o noso facer:
Ningún comentario:
Publicar un comentario