Con distintas actividades ao longo do mes de abril, nas nosas aulas traballaremos a concienciación sobre o autismo seguindo a campaña da Federación Española de Autismo:
Teranse en conta os coñecementos previos do alumnado, faranse distintas tarefas de investigación, visionado de vídeos, lectura de libros e exposicións.
Os nenos e as nenas de 3 anos, coñeceron cousas sobre o autismo que lles contou "Caillou" e debuxaron aquelas cousas que lles fan felices.
En Educación Primaria, dende as sesións de Competencia Emocional, fixeron unha "Choiva de ideas" sobre o autismo e logo visionaron o vídeo "Suceden Cosas Asombrosas (Entendiendo el Autismo)" e poideron comparar o que sabían e o que é en realidade. Así comprenderon que o autismo é Unha forma única de ver o mundo.
E así, pasiño a pasiño, o noso mural vai medrando e nós imos entendendo que hai persoas con capacidades diferentes e que hai que comprendelas, coidalas e incluílas.
Seguiremos avanzando!
Ningún comentario:
Publicar un comentario