O venres foi o gran día do ENTROIDO na nosa escola! Desfilou o alumnado, o profesorado e as familias nunha festa chea de cor e ledicia.
AS familias traballaron con esforzo e dedicación para facer as carrozas coa temática de cada grupo.
Nós cumprimos co obxectivo previsto, transmitir a comunidade de Begonte, a nosa preocupación pola non contaminación das nosas augas e a necesidade de poñernos en marcha en prol da sustentabilidade de noso planeta.
Cada grupo identificábase cun animal acuático, peixes, estrela do mar, medusas...
Pero, cal é a realidade das augas do noso planeta?
Descubriron que a gran maioría están contaminadas (refugallos, anacos de plásticos, produtos químicos...) e esa contaminación a sufren os animais de ríos e mares. Así poideron investigar e comprobar nas distintas tarefas que levaron a cabo nas aulas, adaptadas a cada grupo e nivel.
En liñas xerais, chegaron a conclusión que para evitar a contaminación das nosas augas debemos:
Reducir o consumo de plásticos.
Reducir o uso de aceites e baterías.
Reducir o uso de químicos no fogar.
Consumir máis vegetais que produtos animais.
Consumir alimentos da agricultura ecolóxica.
Rexiclar, desechar correctamente os residuos.
Para visibilizar esta problemática mundial, os nenos e nenas pegaron nos seus disfraces aqueles contaminantes que non debemos tirar nas augas.Toda a comunidade educativa uniouse a nosa proposta!
Un entroido con conciencia ecolóxica!
Ningún comentario:
Publicar un comentario