#8M Día Internacional da Muller

 

- Educar na igualdade -

Ao longo de todo o curso, traballamos en prol da igualdade de xénero, formando unha cidadanía crítica e responsable. 

Dende a Biblioteca Escolar, coordinamos distintas actividades para conmemorar o  #8M en relación ao noso proxecto Documental Integrado "Luces, cámara, acción... Rodamos con Faiuco!

O XOVES 7, proxectamos a película "Valentina" da directora Chelo Loureiro. 

Tal como anunciáramos, o venres 8, recibimos a visita de María Barro, unha das productoras do film. 

Contounos a súa experiencia profesional e falounos sobre o rol da muller no cine. 

Tamén compartiu con nós novos proxectos!

 O noso alumnado previamente investigou sobre a súa biografía. 

O máis pequerrechos con moitísima

dedicación! Traballaron sobre o papel da muller produtora de cine e tamén fixeron a María en cartón e, nun bocadillo, debuxaron a todos os personaxes da película Valentina. 

Por último, foi entrevistada na nosa Radio por alumnado de Infantil e Primaria.

 PODEDES ESCOITAR A ENTREVISTA COMPLETA NO SEGUINTE ENLACE: https://go.ivoox.com/rf/125709259

Moitísimas grazas pola túa visita

e por compartir a 

túa profesión con nós!

Ademais deste encontro,  ao longo da semana e para conmemorar este día, os nenos e nenas fixeron distintas actividades de investigación sobre mulleres relacionadas co mundo do cine, reivindicando o seu labor.

Todo ese traballo foi compartido no mural do primeiro andar da nosa escola e na próxima edición da "Voz do Corpiño".