Hola rapaces! Son Faiuco!! Sí, sí,... o voso amigo que vive debaixo da Faia do cole e anda pola biblioteca de vez en cando. Sí... xa sei que levo un traxe de astronauta... A ver, explícovos:
Despois de que o ano pasado visitárades o planetario da Coruña, contáronme que xurdiron moitas dúbidas e que mostráchedes moita curiosidade sobre o universo, o noso sistema solar, os planetas... Así que este ano decidín emprender unha viaxe moi especial. Unha viaxe polo espazo,
onde vou ir visitando todo o noso sistema solar.
Visitarei o sol e a lúa así como os diferentes planetas.
Coñecedes algún?
A medida que os vaia visitando encargareivos diferentes
misións para que levedes a cabo no cole e poidades axudarme a coñecer mellor o planeta
que estou a visitar, polo que teredes que investigar na biblioteca (cos libros, en internet...) algúns detalles do planeta no que estou para axudarme a coñecelo mellor.
Xa vos deixei preparadas as mochilas viaxeiras con algúns libros sobre os planetas e o
espazo para que vaiades descubrindo cousas sobre eles.
Pronto teredes novas miñas!
Bicos para todos e todas!
Faiuco
Ningún comentario:
Publicar un comentario