O museo de Faiuco

Para rematar co noso PDI " Que animalada!"🐾 fixemos unha exposición final para que toda a comunidade educativa puidera ver, participar e observar as actividades que realizamos ao longo do proxecto.

Nas seis salas nas que dividimos o Museo de Faiuco pódese observar os contidos que traballamos de xeito interdisciplinar nas nosas aulas, tendo en conta os intereses e motivacións do noso alumando.

Así pois, algúns deles son:

✔Falamos da responsabilidade e compromiso que debemos adoptar coas nosas mascotas, facendo un tendal dos animais que forman parte da familia de cada alumno ou alumna.

✔Animais invasores da nosa contorna.

✔Creamos pasaportes da paz para unha posible convivencia entre especies invasoras e autóctonas.

✔Gravamos un spot publicitario en colaboración coa protectora de Lugo "Este Nadal, non regales animais"

✔Achegámonos a figura de Jane Goodall: relacións sociais entre chimpancés, familias, actitudes e comportamentos, ferramentas que empregaban no seu día a día, selva de Gombe...

✔Fabricación de hoteis de bechos; con material de refugallo creamos refuxios para insectos.

✔Bechos na horta si ou non?; beneficios dos animaliños na Horta de Faiuco.

✔Identificación de pegadas e excrementos de animais; que información nos poden aportar?

✔Observación do comportamento de animais: bechos paus, lagartos, arañas, xoaniñas, vermes...

✔Elaboramos un novo número do xornal escolar "A voz do Corpiño", edición especial Pelopicopata.

✔Coidado do noso galiñeiro: responsabilidades

✔Formación sobre os cans de asistencia: cans de alerta, de asistencia a persoas con movilidade reducida ou de bloqueo.

✔Charlas sobre canarios e morcegos, da man de familias e asociacións

✔Fototrampeo: captura de fotos de bechos na súa contorna

✔Animalario 3D: Creación de bechos (que aparecen en poemas de autores galegos) con material de refugallo.

✔Elaboración de máscaras de animais en papel

✔Grafismo con distintos materiais e texturas do corpo de varios animais.

✔Achegámonos aos animais transformados da mitoloxía grega.

✔Coñecemos o manexo dos libros de divulgación: como facer consultas.

✔ Coa axuda de contos de animais, falamos da súa alimentación, gustos, lugares, nidos, forma de reproducirse, superpoderes, curiosidades...

✔Creamos animais terroríficos na época de Samaín.

✔Visitamos Corax fauna

✔ Observamos caixas de morcegos e falamos das súas características

✔ Falamos da lei de benestar animal

Se non puideches asistir á visita, poderás facelo a través do seguinte enlace. 

Anímate!!

Museo de Faiuco

Bo verán🌞, vémonos en setembro!!

Benestar animal

 Charla sobre a Lei 7/2023 de protección dos dereitos e o benestar dos animais. 

O alumnado de Primaria participou nunha interesante charla sobre a Lei 7/2023, do 28 de marzo de protección dos dereitos e o benestar dos animais, impartida por Sabela Fonseca.

 Sabela é veterinaria, bióloga e propietaria da residencia/refuxio de animais “Luscofusco”, ubicada na aldea lucense de Bacurín. Tamén é membro de AGAE (Asociación Galega de Adopción de Exóticos) e da asociación “Os Pillabáns”. Acompañárona dúas axudantes moi especiais:Chispa e Mini, unha cadeliña e unha tartaruga, respectivamente. 

 As nenas e nenos coñeceron os aspectos máis importantes da normativa relacionados cos animais de compañía e coa responsabilidade que implica convivir con eles; ademais,  reflexionaron sobre a importancia de considerar aos animais como seres vivos con necesidades físicas e emocionais que precisan ser atendidas axeitadamente. Falouse da obriga de proporcionarlles alimento, auga, un lugar seguro onde vivir, atención veterinaria e cariño.

 Outro dos temas centrais foi a tenza responsable, poñendo énfase na obriga de non abandonar nunca un animal, de identificalo correctamente e de asegurarse de que recibe os coidados necesarios ao longo de toda a súa vida.Quedoulles claro que un animal de compañía non é un xoguete.

Se queredes ver como transcurriu a xornada, pinchade no seguinte vídeo:

Como remate, fíxose referencia aos animais non permitidos como mascotas, ben por ser velenosos, especies exóticas invasoras ou por outros motivos.  

Moitas grazas a Sabela, Chispa e Mini! 💙💚💜

Coidamos do galiñeiro

 Dende a primavera temos tres convidadas na nosa escola 🐔🐔🐔

Siii!!! as galiñas tamén veñen ao cole😂😂

Cun calendario organizado por quendas cada aula debía asumir o coidado do galiñeiro durante unha semana.

Lavar os comedeiros, revisar que tiveran sempre auga fresca, repoñer pienso, coidar que o galiñeiro estivera limpo e levarlles algunhas follas de leituga, repolo ou verzas.

E o máis importante de todo, visitalas todos os días e asegurarse de que estaban ben. É responsabilidade de cada aula que ás galiñas non lles falte de nada.

O noso PDI "Que animalada" fíxonos reflexionar sobre o compromiso, responsabilidade e coidados que requiren os animais. Se decidimos facernos cargo dun ser vivo debemos asumir tamén certas tarefas.

Se as queredes coñecer premede no play 👇

Como puidestes observar as galiñas foron moi xenerosas con nós e puxeron ovos frescos, que nos permitiron elaborar ricas receitas nas aulas.

Comezando por probar a facer unha tortilla francesa, pasando por deliciosas tortitas... ata chegar a bizcoitos e flans.

Que rico!!! 😋😋 Todas as receitas están máis boas se son feitas con ovos das nosas galiñas.

Aventuras con responsabilidades, cheas de aprendizaxes, coidados e moito sabor👌

O museo de Faiuco

Xa a piques de rematar este curso queremos invitar á comunidade educativa á exposición final do PDI 

" Que animalada!"🐈🐇🐝🐞🐕

Este ano convertiremos as nosas aulas en salas de museo para poder ensinarvos e facervos partícipes das investigacións, obradoiros, búsquedas, lecturas, retos, descubrimentos...que fixemos durante este curso.

É unha oportunidade para que poidades vivenciar de primeira man o traballo que hai detrás de cada día de traballo.

Así pois, botade un ollo ao noso cartaz 👀👀

 Esperámosvos!!

O museo de Faiuco abre as súas portas só o 19 de xuño, non o perdades 😊😊

 

Cans de asistencia

 O venres 22 de maio visitou a nosa escola Javier, entrenador de cans de asistencia e Menchu, técnico en intervencións asistida con animais como representantes da asociación Lobos de Naraío.

E por suposto, traian como acompañante a Silva🐶, unha cadela que está entrenada para asistir a persoas con mobilidade reducida.

O obxectivo desta formación é que o noso alumnado coñeza máis sobre os animais, sobre a formación que reciben os cans de asistencia, a súa labor coas persoas ás que acompañan, a asistencia que realizan e por suposto potenciar os valores sociais e cívicos.

Encadramos polo tanto esta formación ao alumnado no noso PDI " Que animalada!"

Comezaron facendo unha sesión máis curta co alumnado de infantil, na aula exterior, onde falaron da función que tiña Silva e máis puideron ver cos seus propios ollos como se comportaba con Menchu.

Asemade, falaron do que temos ou non que facer cando atopamos pola rúa unha cadela como Silva.

É moi importante non darlle larpeiradas, tampouco podemos distraela nin achegarnos a ela para acariñala. Debemos ter claro que está traballando e precisa estar concentrada para executar ben a súa tarefa.

Logo, na biblioteca co alumnado de primaria puideron falar largo e tendido sobre o que fai cada can segundo sexa:

 🐶 Can guía para persoas cegas.

🐶 Can para asistir a persoas con mobilidade reducida.

🐶 Can para asistir a persoas con TEA

🐶 Can de sinal para persoas xordas

🐶 Can de alerta médica

Para poder identificar cada un deles debemos observar con atención o peto que porta cada tipo de can.

Froito da motivación dos nenos e nenas foron as numerosas preguntas que fixeron ao rematar a charla e o estusiasmo co que recibiron a iniciativa.

No seguinte vídeo poderedes comprobar a veracidade do dito.

Moitas gracias Javier, Menchu e especial a Silva polo sobre esforzo que fixo nestas dúas sesións.

Ata outra 👋

Máscaras de papel

 Este martes 21 de abril recibimos na Casiña de Faiuco a Electra Menéndez, unha historiadora que ten paixón por traballar coas mans, experimentando coas posibilidades do papel.

O taller da nosa convidada pretende manter vivas as posibilidades do papel e do cartón, como materiais sostibles, accesibles, tradicionais e moi versátiles.

Dentro do noso programa de biblioteca creativa acudimos as boas mans desta artesá para levar a cabo un obradoiro de máscaras de papel, que tendo en conta o noso proxecto foron máscaras de animais.

O alumnado de 2º, 3º e 4º de EP, repartidos en dúas sesións, elaboraron bonitas máscaras de animais tendo como único material distintos papeis continuos de cores, máscaras de papel como soporte, cinta de carrocero e unha mestura de fariña con auga a modo de pegamento.

Se pinchades no vídeo poderedes ser testemuñas do proceso de elaboración destas máscaras tan bonitas😍

Un obradoiro que aposta pola reciclaxe, as posibilidades do papel, a artesanía e invita a manter vivo un patrimonio cultural grazas ás técnicas que se empregan.

Un millón de grazas, Electra, por compartir estas sesións de formación cos nenos e nenas.

Concerto didáctico

🎸Música, lingua e emoción: Paco Nogueiras pon ritmo ao noso proxecto "Que animalada"!

Rematamos o trimestre coa visita deste cantoautor na Casiña de Faiuco, o alumnado de infantil e os nenos e nenas de 1º e 2º EP puideron gozar da música en galego.

Unha música que non ten límites, normalizando o uso do noso idioma tamén nos tempos de lecer, conectando a tradición coa modernidade, creando comunidade poñendo en valor a música familiar, combinando o humor, a música e a interpretación.

Pero como as palabras sobran, mellor dádelle ao play para ver un anaquiño do concerto

Paco Nogueiras🎼 é coñecido entre o noso alumnado polos seus traballos como Brinca Vai!, Extra!, Radio Bulebule e agora co seu espectáculo Son Animal!

Pero, por si queredes coñecelo máis, os nenos e nenas de 5 anos fixeron unha pequena entrevista ao convidado no estudio de Radio Corpiño.

🎧🎧Entrevista a Paco Nogueiras

Pasámolo xenial, foi un pracer recibirte Paco, esperamos verte prontiño😍

.

Bechario

 Dentro do proxecto Que animalada! tamén ten cabida a poesía📖

Atopamos varios versos, poemas e estrofas nas que autores galegos aluden aos bechos.

Presentamos nunha instalación artística a poesía galega, onde os bechos dos poemas saen do papel. 

Unha actividade que comeza o día 23 de febreiro, Día de Rosalía de Castro, revisando a súa obra para escoller aqueles versos que facían mención a bechos: vacas🐄, bois, pombas, burros🐃, paxaros🐦, pitas🐤... que colleron vida na aula de arte. 

Seguimos completando a instalación co poemario doutros autores galegos como Cunqueiro, Antonio García Teijeiro, Gloria Sánchez García, Díaz Castro, Manuel María, Paula Carballeira...

Unha homenaxe artística aos autores galegos a través dos bechos que habitan nos seus versos. Facendo fincapé na linguaxe visual, para transmitir emocións e sentimentos acompañada de verbas que completan a mensaxe.

Dende os animaliños máis humildes da obra de Rosalía ata os seres imaxinarios de Cunqueiro habitan na entrada do noso cole.

No mes de marzo, mes da poesía, puxemos en valor este xénero literario que emprega a palabra como unha ferramenta artística para expresar sentimentos, emocións e reflexións profundas sobre diversas temáticas.

Asemade, o alumnado do terceiro ciclo de EP traballou coa técnica de escritura creativa, creando un novo poema a partir dos textos orixinais de Rosalía de Castro.

Tachan a maior parte das palabras deixando só visibles aquelas que forman unha nova mensaxe, é o que se coñece como blackout poetry.

Unha práctica máis que combina a literatura coas artes visuais.

Quedaron así de vistosos👇

Lectura, arte e creatividade

Pelopicopata

 📣📣Extra extra!!

Unha edición especial da Voz do Corpiño sae á luz con motivo da semana da prensa📰

Chega Pelopicopata, chea de novas sobre actividades feitas no cole dentro do noso proxecto Que animalada!

Todas as familias teñen o seu exemplar nas casas para gozar da información e dos pasatempos.

Bulide, non quededes sen ela, os exemplares son limitados😊

Retos de Faiuco

Na semana da prensa 📜 instalamos un quiosco na nosa biblio. 

Faiuco propuxo un novo desafío para dar a coñecer as revistas de animais📂, diferentes exemplares con temáticas diversas sobre o reino animal.

🔔Faiuco deixou nas portas de cada titoría diferentes retos para que o alumnado se parara a coñecer o contido das revistas e puxera atención na información que obtiñan.

 Había artigos de alimentación, sobre curiosidades de bechos, mecanismos de defensa, relacións sociais na manada, artigos sobre razas de cans, horas de descanso...

Este reto implica:

💨 Manexar o índice e coñecer a temática dos distintos artigos.

💨 Ler con atención para atopar datos específicos, comprensión lectora.

💨 Identificar a revista coa temática do reto.

💨 Fixarse nos detalles: fotografías ou titulares.

💨 Saber respostar aos retos despois de ler o artigo. 

💨 Achegarse ás revistas especializadas

Velaquí os retos para Educación Primaria

E outros para o alumnado de Educación Infantil con retos focalizados en atopar fotos, contar patas, buscar insectos, animais pequenos, excrementos...

 

Nesta actividade descubrimos que as revistas son unha ventá increíble para ver o mundo. Non sendo só un entretemento senón unha fonte de información experta e rigurosa, tendo infografías e imaxes que axudan a comprender o texto e por suposto activan a nosa curiosidade.

Reto conseguido!!👏

E ti, sabes que animal é?

 En Educación Infantil afianzamos a lectoescritura, practicamos o conteo, melloramos a coordinación fina co modelado e traballamos en equipo nesta actividade enmarcada no PDI " Que animalada!"🐾

Si si, fixemos todo iso!!

Comezamos buscando información nos contos e libros de divulgación que temos na biblio. Na hora do conto aproveitamos para seguir coñecendo máis dos animais. Gústanos moito saber deles 😁😁 

📙1, 2, 3 ¡A contar cacas! de Géraldine Collet achéganos a forma das cacas que ten cada animal e faino dende a máis pequena a máis grande.

📘Museo animal de Nadia Belhadj que fai que viaxemos por diferentes salas dun museo e poidamos saber máis dos dentes dos bechos, dos ovos, dos esqueletos, dos excrementos, das pegadas... 

📗O libro dos cus de Eva Manzano foi un toque de humor aos tipos, formas, texturas que teñen os cus dos animais.

Porén traballamos cun contador de cacas, clasificamos animais segundo as accións que poden realizar (nadan, saltan, trepan...), identificamos pegadas co nome do animal, modelamos pegadas de bechos con plastilina... e todo iso para propoñer un pequeno xogo.

Simulamos un paseo no que nos atopamos pegadas de animais e debemos  identificar quen foi o que pasou. Para que sexa máis doado, deixamos unhas tarxetas con pistas nas que describimos como é ese animal.

Poderás facelo?

Namentes, nós seguimos aprendendo máis do reino animal.

Deica outra 👋👋👋

        

  

8M

 O venres, 6 de marzo, homenaxeamos a Jane Goodall unha muller símbolo do liderado feminino, perseverancia e ruptura de barreiras no ámbito científico.

Tendo presente o noso PDI "Que animalada!" buscamos que neste día de reivindicación pola igualdade da muller puideramos seguir coñecendo máis dos animais, porén co estudo a fondo dos chimpancés🐒🐒 coñecemos a Jane Goodall👵

Pioneira na ciencia polas súas achegas ao reino animal; demostrando que estes animais tiñan estructuras familiares sólidas, expresaban emocións e fabricaban as súas ferramentas. Inspiradora pola súa traxectoria na historia como exemplo de empoderamento feminino e unha fiel defensora do planeta.

Unha muller que nos ensinou a escoitar a natureza🌎, a entender a ciencia dende a empatía, a entender que cada acción co medio importa e que a pasión é o motor do coñecemento.

E cunha exposición coas investigacións da súa vida poñemos en valor a súa labor científica na selva de Tanzania.

Os maiores da escola fixeron unha liña de vida, nunha árbore🌿, mostrando os acontecementos máis importantes da súa vida.

Os encargados de indagar sobre os seus descubrimento e investigación cos chimpancés foron os nenos e nenas de 3º e 4º EP, mostrando as ferramentas que fabricaban, o modo de vida e as emocións que expresaban.

Os alumnos e alumnas do 1º ciclo de EP fixeron unha recreación dos utensilios que levaba na mochila para acampar en Gombe, onde pasaba meses ao carón dos 🐒 para poder comprendelos e interacionar con eles.

Finalmente, o alumnado de EI traballou cos membros da familia F, o liñaxe de chimpancés máis coñecido que ela estudou. Comezando pola matriarca Flo, pasando polos seus fillos, coñecendo as crías da súa filla Fifí e indagando sobre as súas relacións de parentesco.

Neste vídeo podedes ver un resumo da exposición oral que fixo o noso alumnado na biblioteca para poñer en común as achegas á vida de Jane Goodall

Feliz día a todas as mulleres, que como Jane, atrevéronse a observar o mundo con ollos novos!!

Descubrindo o mundos dos canarios

O alumnado de infantil e 1º ciclo de EP recibe a visita de Ana, nai de Gael, que nos presenta aos seus canarios🐤

Este encontro está enmarcado no noso proxecto "Que animalada!" que dentro dos seus obxectivos está o de conectar as aprendizaxes coa contorna e implicar a comunidade educativa. Sendo así, esta familia trouxo a estes paxariños para explicarnos como é a vida dos canarios e cales son os seus coidados.

Algunhas das curiosidades destes bechos con plumas son:

🐤 Aliméntanse tanto de alpiste como de mazás, brocoli, leituga...levan unha dieta moi sá.

🐤 Nacen para ser animais domésticos, non poderían defenderse sós en liberdade.

🐤Teñen gaiolas para ir aos concursos e outras máis espaciosas e confortables para a súa vida diaria.

🐤 Precisan dun adestramento diario para enfrontarse aos concursos; deben estar quietos, cunha postura determinada, boa plumaxe...

🐤Os seus ovos son de cor azul, con 13 días de incubación saen as crías.

🐤Cun par de días colócanselles unha especie de "aneis" nos pés para poder identificalos: cores e numeración distinta.

🐤Hai familias de canarios de distintas cores, formas e tamaños.

🐤...

...e moitas máis cousiñas!!

E se queredes ver os canarios que visitaron A Casiña de Faiuco, aquí deixamos o vídeo resumo 📹

Moitas gracias Ana por achegarnos á vida dos canarios. 

Foi un gusto recibirte!!

Protectora de Lugo

 Dentro do noso PDI " Que animalada!" un dos nosos obxectivos é concenciar da importancia de coidar os animais e potenciar o seu benestar🐾

Porén, a nosa colaboración coa protectora tiña que ser un feito. Recaudamos diñeiro a través do Mercado de Nadal de Begonte e máis coa xa coñecida, carreira San faiuquiño.

Pero non puidemos quedar coa dúbida de saber en que se ía invertir o diñeiro recaudado, por iso visitaron a nosa biblioteca a veterinaria Elena e o presidente da protectora de Lugo, Alberto Losada.

Fixemos entrega do cheque, un neno ou nena representante por aula asistiu á reunión e escoitou os quefaceres deste voluntariad@.

Bela🐕, a cadeliña que os acompañaba, é un claro exemplo da inversión dos fondos pois gracias a eles puido ser operada, despois de ser abandonada pola súa familia cando sufría un grave problema de saúde.

E antes de rematar a reunión, o alumnado de 1º e 2º de Educación Primaria levou aos convidados ao estudio de Radio Corpiño para facer unha entrevista.

Se queredes escoitala, só tedes que pinchar no enlace

Entrevista Protectora de Lugo

Que animalada de Entroido

  si si... Neste Entroido a nosa escola tivo a visita duns cantos animais invasores😆

Despois do traballo feito nas aulas coas cadeas tróficas de cada un deles, elaborar os pasaportes da paz e falar do obxectivo de salvagardar a biodiversidade rematamos facendo os disfraces.

Unha tarefa que non foi doada posto que tivemos que ter moita paciencia para que os detalles dos nosos animais invasores quedaran reflexados nas propostas. 

Este ano, debido ás condicións climatolóxicas 🌂o noso tradicional desfile polas rúas do pobo tivo que transladarse ao pavillón, unha mágoa 😕

❤ Comezaron o desfile as tartarugas de Florida, unha especie que afecta ao ecosistema acuático xa que ao reproducirse máis rápido e ter un tamaño maior que o galápago común convertese nunha auténtica ameaza, desprazando a especie autóctona das zonas de asoleamento e da alimentación.

❤ Seguen coa exibición os cangrexos de río americanos, unha das especie exóticas máis problemáticas nos ecosistemas fluviais, pois é un escavador incansable. Porta un fungo que é mortal para a especie autóctona, ademais de ter un maior tamaño e reproducirse moito máis rápido.

❤ É a quenda das vespas velutinas, moi coñecidas por ser as depredadoras das abellas. Poden consumir kilos de insectos nunha soa temporada o cal afecta á población das abellas e a súa polinización. Sen esquecer que unha picadura desta especie pode ser moi dañina para o ser humano.

❤ Finalmente, pasean galantemente os bispos vermellos que pese ao seu colorido aspecto son un problema para o hábitat xa que teñen unha adaptación moi doada e logran desprazar a aves insectívoras autóctonas. Converténdose ademais unha praga para os cultivos de cereais.

E non hai festa sen algo de música e unha boa paparota🍵 para despedir ás familias que nos arrouparon durante o noso desfile.

E se queres velo, dálle ao play🔊

Moitas gracias pola boa acollida😍

Emocións en perigo

 O alumnado de 1º a 4º de Primaria, visitamos en Ferrol, a exposición de fotografía  “Emocións en perigo”.

 O autor é Tim Flach, que é un dos fotógrafos de animais máis prestixiosos, a nivel mundial. 📷

A través da súas instantáneas, puidemos coñecer diversos animais que están en perigo de extinción  como axolote, a ra azul, a tartaruga angonaka, o panda xigante, o peteiro zapato, o cabaliño de mar barrigudo, o mono de nariz chato, o guacamaio de Spix, o guacamaio militar, a bolboreta monarca, o voitre africano etc…

Tamén puidemos participar nun obradoiro de plástica, onde decoramos uns axolotes e creamos os seu hábitat.

Botádelle un ollo ao seguinte vídeo👇

Tim Flach: "Conectar ás persoas coa natureza"

    

Pasaportes da paz

 O pasado venres o noso alumnado expuxo na biblioteca o resultado dun longo traballo sobre especies autóctonas e invasoras en Galicia.

Con motivo do noso PDI "Que animalada" elaboramos pasaportes da paz para falar da necesidade de vivir en harmonía coa natureza🌄

Entendendo que os animais tamén son seres vivos que precisan vivir en paz, que eles mesmos buscan estratexias para convivir con especies que chegaron aos seus hábitats por diversas circunstancias.

Recordando deste xeito un dos nosos obxectivos neste proxecto, salvagardar a nosa biodiversidade🌍

É por elo que os nenos e nenas investigaron sobre algunhas das especies invasoras que foron asentándose en Galicia; tartaruga de Florida, o cangrexo de río, a avispa asiática e o bispo vermello.

A que especies afectan? comos se adaptan ás novas características do seu ecosistema? crean modificacións nas cadeas tróficas? como sobreviven as especies autóctonas? como crees que poden convivir?

E tentando responder a estas cuestións celebramos o Día da Paz creando pasaportes que simbolizan a necesidade de convivir entre distintas especies respectando ao noso medio. 

Unha actividade para identificar valores de convivencia, de protección como acto de paz, de compromiso co medio que nos rodea e sobre todas as cousas de coñecemento da nosa fauna.

Ao rematar as exposicións selamos os pasaportes cun selo elaborado polas aulas que representa o noso compromiso.

Velaquí un anaco do noso acto nun vídeo resumo

👉 Os nenos e nenas de Educación Infantil trouxeron un "rolo de conto" para presentar a historia de Flora, unha tartaruga de Florida que foi abandonada nun estanque. Este acto trouxo serios problemas a tartarugas que vivían nese ecosistema, como foi o caso de Pepo, un galápago autóctono.

👉 O alumnado do 1º ciclo de EP explicaron polo miúdo as características do cangrexo de río e como a bactería que porta e letal para o cangrexo autóctono. 

👉O caso da avispa asiática foi tratado polo alumnado do 2º ciclo de EP.  Comentaron como era o seu aspecto e as diferenzas co avispón e como actúa como depredador masivo da abella, sendo un grave problema para apicultura.

👉 Finalmente, os maiores, fixeron un pequeno resumo da cadea trófica sá que altera o bispo vermello. Unha ave da familia das texedoras que compite co pardal por sementes e brotes, que ten unha capacidade de adaptación moi boa e causa graves problemas nos humedais.

30 De Xaneiro; compromiso, empatía e responsabilidade

Bo traballo!!

Grafismo con elementos

 ...como é o seu corpo? é suave? que cores teñen? quedan sen pelo?

E así xorde unha actividade de grafismo con distintos elementos para representar o corpo dalgúns deles.

Plumas, algodón, papel celofán, cartolina, lá...

🐦 plumas de moitas cores ou só de unha.

🐑 Pelaxe suave 

🐅 a raias ou con manchas

🐟 pel fría ou quente

🐕 renovan a súa pelaxe?

Representación do corpo dos animais, ao miúdo.

Quedou exposto no corredor da biblio!!