21M Día Mundial da Poesía

Para conmemorar esta data, o alumnado de infantil traballou unha poesía do libro de Leire Bilbao, "Bechopoemas".

 

Aproveitando a chegada da primaveira e con ela o bichiños que tanto lle gustan, coñeceron o poema "O canto nocturno do grilo".

O pasaron así de ben!

 

En Educación Primaria, tamén conmemoraron este día con unha morea de poesías na "Radio da Escola". A maioría destas poesías están relacionadas co noso Proxecto Documental Integrado que este ano, como xa sabedes, céntrase na cultura cinematográfica. 

 

Os primeiros foron o máis pequerrechos!

 

 

 

Podedes escoitalos a tod@s en Ivoox!

 Clicade na imaxe!

 

 

 

 

 

21M -Día Mundial da Poesía-

 

 

A conmemoración deste día, é unha ocasión para honrar aos poetas, revivir tradicións orais de recitais de poesía, promover a lectura, a escritura e fomentar a converxencia entre a poesía e outras artes como o teatro, a danza, a música e a pintura, en resumo, aumentar a súa visibilidade.

Neste sentido, o noso alumnado comparte textos poéticos de Federico García Lorca.

Inician os pequenos da aula de 3 e 4 anos co Poema, "canción bonita".

Que ben o fixeron!

 

E continúan o resto do alumnado co este podcast que recopila os poemas elexidos por cada grupo.

Nesta ocasión, o alumnado de 5º e 6º curso encargouse de decorar a pizarra da entrada da Casiña de Faiuco con poemas acuáticos do libro "Bechopoemas e outras bestas" de Leire bilbao.

#DíaMundialdaPoesía

Todos os días lle deberamos poñer algo de poesía!

Aí vos queda a dose de hoxe recitada polo alumnado de 5º curso de EP.

Qué a disfrutedes!

Xenial chic@s!

#DíaMundialdaPoesía

 

Aínda seguimos gozando de lecturas poéticas, nesta ocasión tocoulle ao alumnado de 6º curso.

Bravo chic@s! 

#DíaMundialdaPoesía

 

Ao longo do día fixéronse distintas actividades.

"Poesía por un tubo"

Cando chegamos ao cole tivemos unha sorpresa...

 Unha máquina de poesía! 

Se queredes saber como funcionaba... non vos perdades o vídeo!

"Chove nos versos"

de Antonio García Teijeiro

O alumnado de EI, colleu deste poemario artellado tematicamente arredor da idea da chuvia, os seus apartados favoritos de catro a elixir: "As choivas no calendario", "Chovendo miudiño", "Chovendo a mares" e "Longa noite de chuvia".

Logo, ilustraron a choiva con diferentes técnicas plásticas (pincel, estampación, sopro...).

Aquí están as súas producións!

Sen dúbida, unha xornada moi activa! 

#DíaMundialdaPoesía

 Este 21 de marzo celebramos o Día Mundial da Poesía.

Cal é a orixe desta conmemoración?

Foi a UNESCO, durante a súa 30° reunión en París en outubro-novembro de 1999, o organismo que decidiu proclamar o 21 de marzo, como Día Mundial da Poesía.

Cal é o seu obxectivo?

Segundo a UNESCO, o obxectivo é apoiar a diversidade lingüística a través da expresión poética e fomentar a  visibilización daquelas linguas que se atopan en perigo. 

Por que é importante a poesía?

A poesía contribúe á diversidade creativa ao cuestionar a forma na que usamos as palabras e o noso modo de percibir a realidade. 

"Exprésase de maneira diferente e consegue comunicar cousas de maneira diferente".

Dende a nosa escola, quixemos propoñerlle ao alumnado que compartese un fragmentiño de algunha lectura poética. 

E así de ben o fixeron os nenos e nenas de 3º e 4º curso!