Ilustración narrativa

 Durante a semana do libro celebramos o noso I Concurso de Ilustración Narrativa ✏📖

Tendo en conta o lema de bibliotecas escolares "O deseño" quixemos facer fincapé na función da ilustradora ou ilustrador na edición do libro, no poder das imaxes para poder contar a historia.

Para introducir o concurso, nas aulas de infantil, fixemos unha comparativa das ilustracións de diversos contos: propuxemos libros nos que o ilustrador tiña como material principal o cartón e as teas, noutro recortes de xornais, noutro empregaba só tres cores, nalgúns eran debuxos feitos en branco e negro, outros víamos que empregaban as texturas dos materiais...

Logo, na biblioteca había un panel con diferentes citas textuais sacadas de diversos libros. Sendo a intención a de que os nenos e nenas debuxaran o que crían que debería acompañar ese texto.

A exposición dos debuxos permitía observar que cada un deles debuxou elementos moi diversos para acompañar a cita, todos eles válidos e cun significado diferente.

Algunhas das citas textuais escollidas foron:

📝 "O xigante tiña medo da súa propia sombra"

📝"Unha sombra que se esqueceu de seguir ao seu dono"

📝 "No meu peto vive un segredo"

📝"Os lamentos das pantasmas atravesan as paredes"

📝...

E así se desenvolveu a actividade, na que finalmente premiamos ao mellor ilustrador ou ilustradora de cada ciclo.👏

O premio foi moi especial pois eran libros da autora Ana Meilán cunha dedicatoria do seu puño e letra💜. 

Foron mercados na feira do libro de Outeiro de Rei, apoiando así iniciativas tan bonitas.

Moitas gracias a todos os nenos e nenas, fixestes un traballo excepcional 👏👏

Taller con Lego Dots

 Comezamos a semana no noso taller con Lego Dots 💠 como actividade enmarcada na semana do libro, facendo referencia ao poder da ilustración e o deseño nos materiais textuais.📗📘📙

Lego Dots é un xogo de pezas de lego formadas por puntos e pequenas marcas que permiten crear distintos deseños.

O obxectivo para esta semana do libro era poñer en valor a función do ilustrador, indo da man do deseño, que como xa sabedes é a temática escollida por bibliotecas escolares para este curso.

Pois ben, tendo as pezas do Lego Dots sacamos da rede algúns patróns de deseño, cada titoría orientado á actividade que tiña en mente; facer unha pequena historieta cos deseños, elaborar elementos gráficos para trípticos, narrar fábulas, deseñar marcapáxinas... sendo o elemento clave o deseño feito coas pezas.

(nalgúns casos o deseño ía orientado á temática do PDI, os animais) 

O traballo no taller pretendía:

💡 Potenciar a creatividade.

💡 Desenvolver a motricidade fina avanzada.

💡 Mellorar a concentración e a paciencia na actividade coas pezas.

💡 Personalizar deseños.

💡Potenciar conceptos de simetrías e traballo con patróns.

💡Creación de distintas tipografías

💡...

 

No seguinte vídeo resumo poderedes ver o paso polo taller das distintas aulas e o resultado do traballo co deseño, quedaron cousas ben interesantes pese a que non foi unha tarefa doada.

Bo traballo nenas e nenos💙

 

 

Taller de papel reciclado

 Celebramos a semana do libro con moita creatividade e un sabor internacional 😆

Cada grupo ou clase fixo un  taller moi especial que combinou creatividade, conciencia ecolóxica e unha deliciosa volta ao mundo a través dos alimentos.

Puidemos coñecer o proceso de reciclado de papel cunha receita moi sinxela: 

📃Triturar papel de desfeito, deixar repousar, batir ata obter unha pasta, empregar os cadros de reixas para dar forma a cada folla do libro e por último deixar secar enriba dun pano.

Así de sinxelo! 👌

Logo de ter nas nosas mans as follas de papel reciclado cada grupo de nenos e nenas fixo un traballo de investigación sobre un alimento doutro país e foi enchendo as páxinas do seu libro con receitas, beneficios, curiosidades, propiedades... 

Botade un ollo ao proceso!

Libros artesanais para derpertar a curiosidade, creatividade, potenciar a competencia lingüística, traballar en equipo, reforzar a autoestima ao lograr o obxectivo, estimular o pensamento crítico á hora de organizar as ideas, achegarse á importancia da edición e maquetación.... 

Unha forma diverida e ecolóxica de viaxar cos libros e coidar da nosa contorna!

Visita de María Canosa

 Coñecida por ser escritora de literatura infantil e xuvenil entre outras cousas; guionista, articulista, colaboradora de programas radiofónicos... 😀

É a autora de libros como: Faíscas, Leo era un león, Escola de bruxas, Acuario, O papaventos de Laura, Unha fábrica de bicos, Teño un volcán dentro, Candorcas e unicornios, O lobo Ramón... e outros moitos títulos.

O alumnado do 1º ciclo EP tivo a sorte de escoitar a María falar dos seus libros e da súa faceta como escritora. Pero, tamén lles falou do proceso de creación, das súas personaxes nos contos, das novas historias...

Unha sesión moi enriquecedora, pois os nenos e nenas de 2º EP estiveron lendo no itinerario lector unha das súas obras; O lobo Ramón. Tendo a oportunidade de comentar coa escritora a historia e preguntarlle abertamente  sobre o libro.

Como non podía ser doutro xeito, asinou os libros e deixou na nosa biblio un agasallo moi bonito 💓

Moitas gracias pola visita!

Recomendacións lectoras

 Durante este mes de Abril, co gallo da semana do libro, temos aberto o noso I Concurso de Recomendacións de libros 📗📘📙

Se hai un conto que che gusta moito, unha saga de libros que merece moito a pena ler, un cómic co que gozaches, unha historia que deixou pegada en ti.. é o momento de compartilo cos demais 🙋

Cun par de fotos creativas e unha reseña ou debuxo á altura, xa non precisas máis.

Participa!!!

E si tes claro a quen lle pode gustar o teu conto ou libro favorito, podes personalizar a túa recomendación 😃 

Velaquí as bases do concurso 👇

Por suposto, hai premio para a máis orixinal🏅

 Non perdades a oportunidade de visitar o mural do primeiro andar para consultar todas as recomendacións! 

Seguro  que atopades algo que vos poida interesar 😉

 Esperamos as vosas achegas!!

  

Semana do Libro

No mes de abril celebramos unha das semanas máis significativas para as nosas bibliotecas, o día do libro, que conmemoramos con varias actividades nas que poñemos en manifesto o noso agarimo pola Casiña de Faiuco: animación á lectura, talleres de banda deseñada, contacontos, lecturas compartidas, itinerarios lectores, obradoiros de debuxo...

creative week!!

Tendo en conta a proposta de Bibliotecas Escolares de traballar coa banda deseñada; na nosa escola o tempo de lecer na biblio estaba dedicado a crear, escribir, deseñar ou compartir viñetas.

Divertímonos coa banda deseñada!! velaquí a exposición!

 

Para elo, organizamos tres obradoiros. Nun empregamos plantillas de viñetas graciosas e divertidas,  nas que o noso alumnado creaba as historias tendo en conta o tipo de bocadillos: gritar, pensar, chorar, conversar ou narrar.

Logo, con recortes de debuxos, tiñamos a posibilidade de facer nós mesmos o deseño das viñetas, tanto escoller personaxes como tipo de bocadillos e crear as propias historias. A imaxinación voaba en cada creación!

E por último, coa axuda dunha APP "Comica" puideron crear as súas viñetas con fotos reais e colocar efectos, gifs, emoticonos, bocadillos... unha proposta libre, persoalizada e creativa.

O alumnado de Educación Infantil tamén quixo levar esta proposta á aula, botade un ollo as historietas tan cómicas que inventaron.

Certo é, que os alumnos de 5 anos xa fixeran un conto de banda deseñada para agasallar a Ana Meilán pola súa visita a nosa biblio.

Cómic para Ana Meilán

 rematamos a semana, que dedicamos á banda deseñada, coa visita de Pablo Moledo cun obradoiro de debuxo moi entretido. 

Un aire fresco de posibilidades, inspiracións, técnicas, xogos... para despertar ou fomentar a nosa creatividade no debuxo.

unha "Semana do Libro" 

moi dinámica e divertida!

Lembrade que tamén estamos en 

Clicade na imaxe

Semana do Libro na Casiña de Faiuco!

Nesta ocasión centrámonos en banda deseñada.

Dende bibliotecas escolares de Galicia, este curso 2023/2024, teñen como Lema Unha biblioteca escolar en viñetas, poñendo o foco en todas as posibilidades que a banda deseñada ofrece tanto no goce lector como na aprendizaxe curricular. 

Dende a nosa escola, sumámonos a esta proposta con distintos obradoiros e visitas.

Lembra sempre o que di Faiuco

Ler é voar! 

Feliz Semana do Libro!

SEMANA DO LIBRO II

 

Visita de Nathalie na Casiña de Faiuco!

Nat é a nai de Flora de EI, é mestra en English School Lugo,  veu a compartir un "Storytelling" cos máis pequenos do cole e un "drama" cos nenos e nenas de EP. Bailaron, riron e escoitaron historias marabillosas!

Peche da Semana do Libro!

Tivemos a visita de Paula Carballeira,, contos e risas que compartiu con todo o alumnado. Achegámonos así, un pouquiño máis á maxia, dos libros.

Queredes escoitar a entrevista a Paula? Clicade no seguinte enlace: 

https://go.ivoox.com/rf/107614777

O peche da xornada rematou coa visita de Anita Demitroff, nativa e profesora de inglés. Actividade que forma parte do "English Speeking Countries Week".

Todo o alumnado do cole, en distintos grupos, decubriron e experimentaron co xogos, sorpresas e obxectos que compartiu Anita.

Por último, agasallo e mención especial para o gañador do 

Concurso bookface! 

Enhoraboa Hugo!

SEMANA DO LIBRO I

   Días de festa na Casiña de Faiuco!

A mirada entre o libro e a fotografía.

outra maneira de animar á lectura.:

#bookface

Coa intención de potenciar o vínculo entre os textos, as ilustracións e a arte da fotografía, Faiuco propón esta actividade a mar de divertida!

Tes que elixir un libro con portada atractiva, analizar e combinar coa vestimenta e as poses do teu corpo, xogar cos espazos e a iluminación,

crear, imaxinar e compartir!

Así de ben o fixeron os nenos e nenas do noso cole!

En Instagram todas as imaxes!

Para saber un pouco máis sobre que é o bookface, quen inventou este xogo visual, clicade no seguinte enlance:

https://www.lavanguardia.com/cultura/20170404/421426775605/bookface-arte-cara-portada-libro.html