Despois de recibir a invitación dende o espazo do noso amigo Faiuco, o pasado 24 de outubro, acudimos á biblioteca, para conmemorar "O Día das Bibliotecas Escolares".
Primeiramente, os nenos e nenas de Primeiro e Segundo de Primaria relataron as posibilidades que ofrece e a súa potencialidade como factor de calidade do ensino no noso centro, así como a importancia de coñecer a súa organización e o seu funcionamento.
A profe Ana contounos unha dos centos de historias que agocha a nosa biblioteca. Ademais, recollimos as mochilas viaxeiras e os carnets de bibliotecarios que nos tiña preparados Faiuco, cos que este ano poderemos levar libros de préstamo para as nosas casas.
Ningún comentario:
Publicar un comentario