O voluntariado da biblio asiste a unha formación moi especial da radio📻
Da man de Baruk e Pablo aprenderon os rudimentos da linguaxe radiofónica e da composición de melodías, os nenos e nenas foron conscientes da importancia da palabra, da música, dos sons e dos silencios.
Toca practicar!! E na Sala de Robótica escoitábase a un grupo de rapaces e rapazas entusiasmados/as coas gravacións de sintonías, caretas, jingles e indicativos para a nosa radio.
Algo que ao principio parecía imposible ao rematar a sesión fíxose realidade, cun traballo en equipo e con boas indicacións queda gravada a nosa sintonía para Radio Corpiño.
Polo tanto, este curso conmemoramos o día da radio, 13 de Febreiro, dándolle cada vez máis vida a nosa. Facéndoa persoal e próxima a nós, ao que somos, un cole con moitas ganas de contar cousas!
Queredes saber como foi? Póñede atención ao vídeo resumo desta sesión
Moitas gracias aos nosos formadores por tanto agarimo e bo facer, esperamos que sexa a primeira de moitas visitas.
si si... Neste Entroido a nosa escola tivo a visita duns cantos animais invasores😆
Despois do traballo feito nas aulas coas cadeas tróficas de cada un deles, elaborar os pasaportes da paz e falar do obxectivo de salvagardar a biodiversidade rematamos facendo os disfraces.
Unha tarefa que non foi doada posto que tivemos que ter moita paciencia para que os detalles dos nosos animais invasores quedaran reflexados nas propostas.
Este ano, debido ás condicións climatolóxicas 🌂o noso tradicional desfile polas rúas do pobo tivo que transladarse ao pavillón, unha mágoa 😕
❤ Comezaron o desfile as tartarugas de Florida, unha especie que afecta ao ecosistema acuático xa que ao reproducirse máis rápido e ter un tamaño maior que o galápago común convertese nunha auténtica ameaza, desprazando a especie autóctona das zonas de asoleamento e da alimentación.
❤ Seguen coa exibición os cangrexos de río americanos, unha das especie exóticas máis problemáticas nos ecosistemas fluviais, pois é un escavador incansable. Porta un fungo que é mortal para a especie autóctona, ademais de ter un maior tamaño e reproducirse moito máis rápido.
❤ É a quenda das vespas velutinas, moi coñecidas por ser as depredadoras das abellas. Poden consumir kilos de insectos nunha soa temporada o cal afecta á población das abellas e a súa polinización. Sen esquecer que unha picadura desta especie pode ser moi dañina para o ser humano.
❤ Finalmente, pasean galantemente os bispos vermellos que pese ao seu colorido aspecto son un problema para o hábitat xa que teñen unha adaptación moi doada e logran desprazar a aves insectívoras autóctonas. Converténdose ademais unha praga para os cultivos de cereais.
E non hai festa sen algo de música e unha boa paparota🍵 para despedir ás familias que nos arrouparon durante o noso desfile.
A próxima semana comezamos a celebración do Entroido🎭
Estamos preparad@s para a festa💃💃
Faiuco propón uns mandados ben simpáticos para que os nenos e nenas veñan ao cole caracterizados de bechos.
🐞🐕🐦🐅🐠
Pero non uns calquera, bechos extraños👾
Para iso, este ano os mandados son acumulativos. É dicir o que poñamos o luns debemos de mantelo ata o xoves, cada día da semana imos sumando complementos😅
ENKI proxecto é unha entidade sen ánimo de lucro que loita por dar visibilidade ao deporte adaptado e involucrar a toda a sociedade para conseguir un mundo máis inclusivo.
A inclusión só é posible se todas e todos participamos por iso dende a nosa biblioteca querémonos sumar a este movemento que apoia ás persoas con diversidade a formar parte da sociedade a través do deporte.
Unha proposta enmarcada dentro do Proxecto de vida activa e deportiva (PVAD), que aposta polo movemento e actividade física diaria.
Álex e Ángel, que forman parte do equipo de ENKI, compartiron con nos as súas experiencias de vida e os proxectos que levan a cabo. Grazas aos beneficios que lles aporta o deporte, tanto emocional como físico, experimentaron grandes cambios nas súas vidas. O compañerismo, o esforzo e o espíritu de superación son piares fundamentais para lograr os seus obxectivos.
Unha charla moi amena, con moitas preguntas e tempos de conversa que deixou no alumnado unha grande curiosidade por participar nos encontros provinciais que organizan nas próximas semanas.
Velaquí algunhas fotos da sesión📷
"Teñas ou non algún tipo de diversidade, a inclusión é para ti" Enki proxecto
O alumnado de 1º a 4º de Primaria, visitamos en Ferrol, a exposición de fotografía “Emocións en perigo”.
O autor é Tim Flach, que é un dos fotógrafos de animais máis prestixiosos, a nivel mundial. 📷
A través da súas instantáneas, puidemos coñecer diversos animais que están en perigo de extinción como axolote, a ra azul, a tartaruga angonaka, o panda xigante, o peteiro zapato, o cabaliño de mar barrigudo, o mono de nariz chato, o guacamaio de Spix, o guacamaio militar, a bolboreta monarca, o voitre africano etc…
Tamén puidemos participar nun obradoiro de plástica, onde decoramos uns axolotes e creamos os seu hábitat.
O pasado venres o noso alumnado expuxo na biblioteca o resultado dun longo traballo sobre especies autóctonas e invasoras en Galicia.
Con motivo do noso PDI "Que animalada" elaboramos pasaportes da paz para falar da necesidade de vivir en harmonía coa natureza🌄
Entendendo que os animais tamén son seres vivos que precisan vivir en paz, que eles mesmos buscan estratexias para convivir con especies que chegaron aos seus hábitats por diversas circunstancias.
Recordando deste xeito un dos nosos obxectivos neste proxecto, salvagardar a nosa biodiversidade🌍
É por elo que os nenos e nenas investigaron sobre algunhas das especies invasoras que foron asentándose en Galicia; tartaruga de Florida, o cangrexo de río, a avispa asiática e o bispo vermello.
A que especies afectan? comos se adaptan ás novas características do seu ecosistema? crean modificacións nas cadeas tróficas? como sobreviven as especies autóctonas? como crees que poden convivir?
E tentando responder a estas cuestións celebramos o Día da Paz creando pasaportes que simbolizan a necesidade de convivir entre distintas especies respectando ao noso medio.
Unha actividade para identificar valores de convivencia, de protección como acto de paz, de compromiso co medio que nos rodea e sobre todas as cousas de coñecemento da nosa fauna.
Ao rematar as exposicións selamos os pasaportes cun selo elaborado polas aulas que representa o noso compromiso.
Velaquí un anaco do noso acto nun vídeo resumo
👉 Os nenos e nenas de Educación Infantil trouxeron un "rolo de conto" para presentar a historia de Flora, unha tartaruga de Florida que foi abandonada nun estanque. Este acto trouxo serios problemas a tartarugas que vivían nese ecosistema, como foi o caso de Pepo, un galápago autóctono.
👉 O alumnado do 1º ciclo de EP explicaron polo miúdo as características do cangrexo de río e como a bactería que porta e letal para o cangrexo autóctono.
👉O caso da avispa asiática foi tratado polo alumnado do 2º ciclo de EP. Comentaron como era o seu aspecto e as diferenzas co avispón e como actúa como depredador masivo da abella, sendo un grave problema para apicultura.
👉 Finalmente, os maiores, fixeron un pequeno resumo da cadea trófica sá que altera o bispo vermello. Unha ave da familia das texedoras que compite co pardal por sementes e brotes, que ten unha capacidade de adaptación moi boa e causa graves problemas nos humedais.
30 De Xaneiro; compromiso, empatía e responsabilidade
O alumnado de Educación Infantil está a facer un gran traballo cos contos que teñen como protagonistas animais🐅🐄🐃🐍🐙🐞🐟🐨
E será por contos, na Casiña de Faiuco hai unha morea deles😀
Remataron o primeiro trimestre con grandes historias de animais na cabeza, uns que fan as mellores sopas, outros que viven aventuras, outras que desaparecen no camiño, uns que viven en lugares moi fríos outros na selva, uns que se extinguiron ...
Ah!! por suposto tamén traballaron con libros divulgativos para saber máis dos animais; como viven, de que se alimentan, como é a súa boca, o seu corpo, a quen temen, como se camuflan...
Entre eles, "Adivina lo que como" que nos abriu as portas á alimentación dos animais e nos permitiu coñecer máis a algúns deles, en concreto aos coellos, ratóns e osos.
Tamén había menús moi suculentos😋
Deixamos por aquí algunha foto da actividade👀
E seguindo coa mesma dinámica, imos coñecer máis as nosas mascotas de aula: Nuba, Repincho e Chispitas
De que se alimentan? Como é o seu corpo? Que lles gusta facer?
Velaquí, o caso de Chispitas
Cada neno/a debuxou o esquío e anotou o que investigamos. Tomamos como referencia o que contaron as familias na mochila viaxeira, o que sabíamos dos contos e máis o que observamos na contorna.
O noso polo creativo segue activo e Faiuco propón outro reto máis, desta vez achegámonos aos circuítos🔌
O obxectivo desta actividade é que o noso alumnado traballe, dun xeito manipulativo e adaptado a súa idade, o concepto de circuíto pechado.
No caso de EP os escolares traballarán cos kits reais que temos no noso polo, e no caso de EI axudarémonos das pezas Lego para que sexa máis visual a actividade.
Para este reto debemos ter presente o seguinte:
Un circuíto eléctrico é un camiño polo que circula a electricidade.
Para que funcione:
👉 Ten que estar pechado, sen cortes.
👉 A corrente sae polo polo positivo, percorre os compoñentes, e regresa polo polo negativo.
👉 Se algo queda mal conectado, a corrente non pode volver ao inicio e o circuíto non funciona.
Todo isto implica a manipulación de cables, comprobación de luces leds, interruptores, motores... por iso este reto desenvolverémolo nas sesións lectivas coa mestra.
Para adaptar a actividade, que todos os nenos e nenas poidan participar e comprender os conceptos, creáronse cinco historias nas que hai que axudar aos personaxes a crear os seus camiños.
Todo listo na Casiña de Faiuco para comezar a traballar 👌
Nos vindeiros días amosaremos o proceso deste reto 2
Radio Corpiño seleccionado para participar nas Xornadas de Radio na Biblio📻
O alumnado de 5º e 6º tivo a honra de asistir, o pasado 18 de decembro, a primeira convocatoria desta xornada na que compartiron co alumnado doutros centros unha mañá radiofónica.
A intención deste encontro é poñer en valor o traballo que o alumnado fai nas emisoras dos centros, empregando este recurso como unha ferramenta formativa máis.
Os escolares puidoron asistir aos seguintes talleres: teatro radiofónico, laboratorio de radio e locución e expresión oral. O noso alumnado participou no taller de laboratorio de radio, xunto co alumnado do colexio de Rianxo, sesión que dirixiu Susana Bastón.
Pero, tamén tiveron a oportunidade de asistir a entrevistas, feitas por nenos e nenas, ao conselleiro Román Rodríguez, a xornalista Esther Estévez, a deportista Teresa Portela ou a profesionais do sector da radio como Ignacio Capeáns de Onda Cero, Andrea Oca de Radio Nacional, Kike Magnalena de Radio Galega...entre outros.
Foi todo un pracer participar e representar, xunto cos escolares do CPI Virxe do Monte de Cospeito, as bibliotecas da Microrrede de Bibliotecas escolares da Terra Chá.
.png)
.png)
.png)
.jpeg)
.png)
